أحمد بلال ينتقد مجلس إدارة الزمالك.. وطارق يحيى يقاطع ويرد: «أحط صوابعي في عينيه»

انتقد أحمد بلال نجم فريق كرة القدم الأول بالنادي الأهلي، قرارات مجلس إدارة نادي الزمالك برئاسة حسين لبيب الأخيرة، والتي كان أبرزها تعيين عبدالناصر محمد مديرا للكرة.
وأكد بلال خلال تصريحات إعلامية عبر شاشة «النهار» أنه من الضروري الاستعانة بخدمات قدامى لاعبي الزمالك أو الأهلي في بعض المناصب، خصوصا بقطاعات الكرة.
وتابع بلال تصريحاته أن ما يحدث حاليا داخل نادي الزمالك يعد محاولة لطمس هوية النادي، مشيرا: «لو مش نجوم الأهلي والزمالك هما اللي يشتغلوا في أنديتهم، أمال مين اللي يشتغل؟ لو مش أنا وكابتن ضياء السيد وغيرنا وكابتن طارق يحيى، أمال مين اللي يشتغل؟».
واستكمل: «هنجيب ناس من برا هيشتغلوا؟ وده غلط في حق جماهير ولاعيبة الزمالك، وأنا قولت عيب جون إدوارد يبقى مدير رياضي للزمالك، إيه اللي بيحصل ده؟، هل ده طبيعي؟».
وقاطع طارق يحيى نجم الزمالك السابق، حديث بلال قائلا: «قيمة أي نادي في العالم تقاس بجماهيره ورموزه، أي حاجة بعد كدة تبقى تكملة للنقطتين دول».
وأضاف: «هو شرط ولاد النادي ينجحوا؟ في نجاح وفشل، ولكن بفضل الله نجوم النادي نجحوا» مشيرا: «أنا مش معترض على تعيين جون إدوارد، أنا مش بتكلم علشان اشتغل في الزمالك، ولكن القصة لو لا قدر الله بعد كل التغييرات اللي حصلت ده والتجريف اللي حصل لنادي الزمالك، جون إدوراد مشي لظرف ما وأنا لا أتمنى ده، الفريق اللي جايبه ده كله هيقعد؟».
وأشار: «هتجيب مين لما جون يمشي، ما النادي فرغ نفسه من هجومه»، مضيفا: «أنا مليش علاقة بمين يجي أو مين يمشي ومش طمعان في حاجة وأنا عملت تاريخ في الزمالك كلاعب ومدرب وأي حد يقول غير كدة أحط صوابعي الاتنين في عينيه».