نجم منتخب مصر السابق: الزمالك يتعرض لمؤامرة من أولاده

«نادي الزمالك يتعرض لمؤامرة من الداخل يقودها ابناء نادي الزمالك وذلك كله طمعا في كرسي رئاسة النادي وليس من اجل مصلحة الزمالك والنادي الاهلي ليس طرفا اطلاقا في هذه الامر»، هذا ما اكد عليه نجم منتخب مصر والنادي الاهلي والنادي الزمالك سابقا الكابتن رضا عبد العال وذلك خلال تصريحات تليفزيونية له عبر قناة القاهرة والناس خلال برنامج "حبر سري" الذي تقدمة الإعلامية أسما إبراهيم، وتابع رضا عبد العال تصريحاته قائلا: أنا شايف إن فيه مؤامرة على الزمالك من ولاده علشان الكرسي، مرتضى منصور قعد سنة بعيد عن النادي طيب الناس اللى اترشحت في الانتخابات الأخيرة أفادوا نادي الزمالك بإيه علشان ترشحوا نفسكم .
وأردف كابتن منتخب مصر السابق تصريحاته التليفزيونية قائلا : الزمالك مشكلته في أولاده مش مؤامرة كونية ولا العالم كله بيتآمر عليه، والنادي الأهلى مش طرف في القضية , مرتضى منصور راجل نضيف وعلشان كده رجع والسؤال هو مشي من النادي ليه، لو عليه مخالفات سيبه في مكانه لحد لما تمسك المخالفات مش تمشيه وبعد كده استني سنة واجيب لجان توقع النادي، وبعدين تقوله حقك علينا معندكش مخالفات.
كما هاجم الكابتن عبد العال منظومة الإعلام الرياضي وانتماء الاعلاميين للأندية، قائلا: في إعلاميين كتير متحيزين لأندية جماهيرية وكل اللي بيشتغل في الإعلام لو مش هيميل للأهلي مش هيشتغل وفى إعلاميين أهلوية وزملكوية، وشرط النجاح لأي اعلامي هو امتداح الاهلي باستمرار، متابعا: "أي اعلامي عشان يكمل في الاعلام لازم يطبل كثير للأهلي"، مؤكدا أن مدحت شلبي من مشجعي الأهلي ولكنه ينكر باستمرار.
واختتم رضا عبد العال تصريحاته قائلا: انا من محبي الكابتن محمود الخطيب، على مستوى الكاريزما وخلال أدائه في الملعب وبحب الخطيب جدا ويشتغل في أي حتة وأنا طول عمري بقول أنا مقتنع بثلاث أشخاص ماردونا وميسي والخطيب.