«خلوا عندكم جرأة زي بن شرقي».. رسائل من وليد صلاح الدين ل مهاجمي الأهلي

وجه وليد صلاح الدين، نجم النادي الأهلي السابق، رسائل ل مهاجمي النادي الأهلي بسبب أدائهم في مباراة بالميراس الماضية في كأس العالم للأندية 2025.
وقال وليد صلاح الدين في تصريح تليفزيوني عبر شاشة «أون سبورت»: «عايز أوجه رسالة للاعبي النادي الأهلي، لازم يبقوا عندكم جرأة هجومية أكتر من كدة، مفيش ولا لاعب عايز يعمل حاجة مهمة غير أشرف بن شرقي لما نزل».
وأضاف: «أول تواجد للنادي الأهلي وتهديد على مرمى بالميراس كان من خلال بن شرقي لما عدى وسدد، وكرة تانية عمل تمريرة مؤثرة، لازم يبقى في جرأة على المرمى، انت مغلوب 2-0 ولازم ترجع للماتش».
وتابع: «الطريقة اللي أنا أفضلها يكون فيها أشرف بن شرقي أساسي، ولازم الأهلي يكسب بنتيجة كبيرة على أمل إن بالميراس يكسب إنتر ميامي حتى لو واحد صفر».