«الأهلي مطلعش جامد».. تعليق مثير من الغندور بعد الخسارة من بالميراس

وجه خالد الغندور نجم نادي الزمالك السابق، انتقادات حادة ل لاعبي النادي الاهلي، بعد الخسارة من بالميراس في كأس العالم للأندية.
وخسر الأهلي أمام بالميراس بهدفين دون رد، في المباراة التي جمعتهما مساء اليوم في الجولة الثانية من كأس العالم للأندية 2025.
وقال الغندور في فيديو بثه عبر صفحته الرسمية على موقع التواصل الاجتماعي «فيس بوك»: «الأهلي يا جماعة طلع مش جامد، مقولة شهيرة اتشهرت، جامد في مصر وأفريقيا فقط، ولكن على المستوى العالمي وعلى مستويات مش عالمية أوي بردو مش جامد».
وأضاف: «الأهلي لعب مباراة من أسوأ المباريات مش عارف تبني هجمة ولا يخلق فرصة، ودفاعيًا بيتراجع لورا وأخطاء بالجملة، هدف بنيران صديقة وسام أبو علي وأشرف داري داخلين مع بعض».
وتابع: «الهدف التاني من 3 أو 4 باصات بيوصل للمرمى، ولولا الظروف القهرية كانت الأمور اتغيرت والنتيجة كان ممكن تكون أكبر، وبالميراس بعد ما جاب الجونين بيلعب على القد».
وأوضح الغندور: «مشكلتنا إن إحنا عاطفيين في مصر، وفي برماجنا كنا بنقول إن الأهلي هياخد كأس العالم للأندية، أي نعم الأهلي لازال لديه فرصة لو كسب بورتو، ولكن هل هيكسب بورتو بالمستوى ده».
واختتم: «هل لو الأهلي صعد هل يلاعب باريس سان جريمان بالمستوى ده، ولا نخرج أفضل، وده مستوى في حته تانية خالص غير بالميراس».