«واخد أوردر ومدرب على الله حكايته».. خالد الغندور يفتح النار على ريبيرو بسبب زيزو

فتح الإعلامي خالد الغندور، النار على الإسباني خوسيه ريبيرو، المدير الفني للفريق الأول لكرة القدم بالنادي الأهلي، بسبب إشراكه للاعب أحمد مصطفى «زيزو»، في مباراة باتشوكا المكسيكي.
وقال خالد الغندور، عبر صفحته على موقع التواصل الاجتماعي «فيس بوك»: «زيزو، مكنش بيتمرن لمدة شهرين كان بيتمرن في الجيم مع مدرب خاص وبسافر لمدة اكتر من 24 ساعة ولم يتدرب مع الفريق وينزله الشوط الثاني ده مدرب واخد أوردر من عضو مجلس إدارة أو واخد أوردر من حد لعب زيزو».
وأضاف: «ده مدرب على الله حكايته، لأن مفيش مدرب في الدنيا بيعمل كده، لما تتعاقد مع لاعب بقاله شهرين مش بيتمرن ومتدربش معاك ولا تمرينة وتلاعبه في مباراة استعدادية لكأس العالم وانت عندك 30 لاعب بيبقى انت كده واخد أوردر».
وتابع: «تلاعبوا إزاي! ولا منطق ولا عقل ولا كورة ولا تدريب ولا استعداد ولا تجانس وتعب سفر وإرهاق ولا أي حاجة تخلي زيزو، يلعب ولكن هو لعب وكان وحش جدًا، كل لمسة باص غلط تحس انه مضغوط، كل لمسة بيقع لواحده»