«السكينة سرقاهم.. ومصغرين الزمالك».. محمد العدل يفتح النار على مجلس لبيب

فتح محمد العدل، رئيس قناة النادي الأهلي السابق، النار على مسؤولي نادي الزمالك، وذلك بسبب طريقة إدارتهم لملف أحمد مصطفى «زيزو»، جناح الفريق الأول لكرة القدم بالقلعة البيضاء.
وقال محمد العدل، في تصريحات عبر فضائية «النهار»: «أنا زعلان جدًا على نادي الزمالك، زعلان أكثر مما تتخيل، أنا عايز في الآخر يبقى في منافسة ونهزر مع بعض على فيس بوك، أنافس نادي مش جماهيري وأسيب نادي جماهيري!».
وأضاف: «أنا مش متخيل منافستي هتبقى مع نادي مش جماهيري، اللي بيعمله جمهور الزمالك أو الإدارة عامل زي اللي سارقاه سكينة، أنت بتشجع بيراميدز وبتتمنى ياخد الدوري!».
وتابع: «أتمنى الزمالك يكسب الكأس، لأن طول الزمالك ما معندوش انتصارات كبيرة هيدور على انتصارات صغيرة عشان يرضي جمهوره، زي ما بيتقال اتحاد الكورة بيساعد الأهلي عشان يقيد زيزو».
وواصل: «هنفترض أن زيزو هو زين الدين زيدان، هنقفل النادي عشان زيزو مشي؟! خلاص الموضوع خلص!»، مضيفًا: «مشكلة اللي بيديروا في الزمالك، إنهم عايزين أي حد غلطان إلا هما، بيبرّروا أخطاءهم».
وأتم: «مسؤولو الزمالك بيدوروا على انتصارات صغيرة، لازم يفوقوا شوية ويدوروا على انتصارات أكبر من كده، الزمالك حاجة كبيرة يا جدعان وأكبر من أنه يهتز هو وجمهوره عشان لعيب هيمشي زي زيزو، هما كده مصغرين نادي الزمالك».