«كلام ممل».. هاني سعيد ينفجر غضبًا بسبب رابطة الأندية

انفجر هاني السعيد المدير الرياضي لنادي بيراميدز غضبًا من رابطة الأندية بسبب أزمة تأجيل مباراة سيراميكا كليوباترا في بطولة الدوري بسبب ارتباط الفريق بنهائي دوري أبطال أفريقيا.
وسبق وطالب نادي بيراميدز تأجيل مباراة الفريق أمام سيراميكا بسبب ارتباطه بإياب نهائي دوري أبطال أفريقيا مع نظيره صن داونز، فيما قابلت الرابطة الطلب بالرفض.
وقال هاني السعيد في تصريحات تلفزيونية مع الإعلامي إبراهيم فايق:«الكلام في قصة الرابطة بقا ممل، ومش متوقع ولا مستني حاجة من الرابطة لأن معتقدش دا هيحصل، وفي حسابات تانية غير المصلحة».
وتابع:«الرابطة دورها الطبيعي واللي بنفهمه أنها تكون بتحافظ على مصالح الأندية كلها مش أندية معينة، ودا يخليني اسأل ايه الهدف من الرابطة، هل دا عشان تتساوي بالناس اللي برا».
وأضاف:«كل واحد له حساباته أحنا بنتكلم من زمان ومن وقت ما الرابطة اتعلمت ودا بيحصل معانا، ودا ضد تسعين في المائة من الفرق في مختلف الدوري».
وواصل:«أنا اتمني يكون فيه نظام والجداول بتطبق بس عمرك ما هتشوف دا، هل برا في حد بيشارك في بطولة ويشارك في بطولة تانية».
واكمل:«مكنش في دماغ حد في مصر أن بيراميدز هيوصل للنهائي وحطرا الجداول وخلاص ولو الماتشات دي هيلعبها الأهلي أو الزمالك الماتش كان هيتأجل».
واختتم:«أنا لما بجيب الأهلي أو الزمالك ماليش علاقة بالأهلي أو بالزمالك أنا مشكلتي مع المسؤولين عن تنظيم البطولات، بس والله ما حد هيعملما حاجة وروحنا وطلبنا وفي الآخر محصلش أي حاجة».