هنا الزاهد : «عانيت من الاكتئاب 9 شهور قبل الانفصال.. وكان شكلي غريب وقلبي حزين» (فيديو)

حلت الفنانة هنا الزاهد ضيفة على الإعلامي أنس بوخش في برنامجه الشهير «ABtalk»، المذاع عبر موقع الفيديوهات الشهير يوتيوب، وتحدثت خلال اللقاء عن العديد من التفاصيل والأسرار المتعلقة بحياتها الشخصية والمهنية.
وأجابت هنا الزاهد على سؤال أنس بوخش:«أكثر شئ بتخافي منه»، لترد هنا :«الفقدان، جدتي هي اللي مربياني أنا وفرح ونور وتوفت يوم 2009، نفس مرض اللي كان أمي كان عند جدتي وهو سرطان الثدي، جدتي كانت بالنسبالي أمي الأولى، وشخصياَ أنا بخاف على أمي جداَ واخواتي أوي، بحس أن أمي هتعيش طول حياتي».
وأضافت :«بقولها يارب يجعل يومي قبل يومك، وقالتلي اوعي تدعي كده تاني في حياتك، فهي بمثابة صديقتي المقربة».
وعند سؤالها عن أصعب موقف مرت به بمفردها، قالت :«الانفصال، عديت به لوحدي ومحدش ساعدني غير نفسي، تجربة متمنهاش لأى حد، وقررت ابقى كويسة، وقولت عايزا ابقى كويسة وانسى اللي راح، والله العظيم أنا مش فاكرة الذكريات كأنها اتمسحت 5 سنين اتمسحت، في سنة عندما كنت في البيت وخلاص بقى هيحصل الانفصال أنا كنت في اكتئاب حوالي 9 شهور لغايت ما انفصلت وكان شكلي غريب جداَ وقلبي حزين».