جلا هشام: نزلت مناطق شعبية للتحضير لشخصية «سعاد» في «ولاد الشمس»

تحدثت الفنانة الشابة جلا هشام عن تجربتها في مسلسل «ولاد الشمس»، الذي عُرض خلال موسم رمضان 2025، وكشفت عن كواليس التحضير لشخصيتها في العمل، قائلة:«لما قرأت شخصية سعاد حاولت ألاقى في تشابه ما بينها وبين أي شخصية، لكن سعاد مافيش أي تشابه خالص فهى جريئة وواثقة في نفسها، وانا في الحقيقة مش كدة خالص».
وأضافت جلا هشام خلال حلولها ضيفة ببرنامج «الستات مايعرفوش يكدبوا» المذاع على قناة cbc، أنا علشان أقدم الدور كويس روحت منطقة شعبية وظبطت فيها ضوافرى وشعرى وسألتهم عن حياتهم، وعلشان كده طلعت جملة اللى بحبه لازم يدينى ساندوتشين مش ساندوتش واحد».
وتابعت :«لما نزلت المنطقة الشعبية لقيت البنات بتتكلم وجريئة وعندهم ألفاظ معينة بيستخدموها وحاجات كنت مبسوطة بيها، وحكولى عن قصص حياتهم وكل بنت كنت باخد منها حاجة من قصتها، وتفاصيل شخصيتها وحبها للى مرتبطة بيه، وعلشان كده كان لازم تكون سعاد لمضة».