عصام صاصا وعنبة يجتمعان في دويتو غنائى بعنوان «العودة»

انتهى كل من مطرب المهرجانات عصام صاصا وعنبة من تصوير كليب يحمل اسم «العودة» ومن المقرر طرحه خلال الفترة المقبلة، وهو من إخراج أشرف رمضان ومنتج فنى أحمد عبدالهادي.
واجتمع الثنائى منذ فترة في كليب بعنوان «الهيبة» وتقول كلمات الأغنية :«عمري عدا أونطه والسنين مبتستناش بالقليل انا برضا والقليل بيا ميرضاش، قلبي طيب وأبيض بس عقلي دا مبينساش مهما فيا تخبط برضو انا خفاش ومبهداش، أنا الكينج ع الملاء يلا أنا الواجهة محبوب البلد مفيش فيها غيري عامل قلق، لا وربي لسه ما اتخلق، معروف إني البوص طب حتي بص لما جيت الكل نام الكل فجأه هوس متجيش ع اللي يخص ريح لاكلك نص، تعرف أن بويكا جاي تفعل وضع الخرس ملي عينك مني واشبع م اللي ناقصك يا، ربنا مميزني عشان سالك وماشي على الله، صعب يوم تشغلني انا بطولي أشغل دولة احترس ياض مني اخوك غشيم ودماغو جيباه، من غير واسطه جامد يسطا واخد لقطه عشان كينج حيطان اكسر جبال بطلع شاحن طاقتي عشان نجم، دنا ع الدوغري بثير الجدل، انا البطل ومفيش غيري بطل، تلعبو مع مين بطلو هبل كلو إلا انا يبني انا خط احمر، أنا الهيبة دي فيا كلها بتعملي حساب مبتروحش عليا واللي يقول غير كدا كداب، مبدأي الرجولية وحقي عمره ف يوم ما اتساب، عشان صافي النية ربك فاتحلي مليون باب».
يذكر أن عصام صاصا، شارك في رمضان 2025 بغناء الأغنية الرسمية لمسلسل «ولاد الشمس» الذي عرض في النص الأول من شهر رمضان، بطولة أحمد مالك وطه دسوقي، و تقول بعض كلمات الأغنية: «الدنيا معانا مش على ما يرام.. بس إحنا مامشيناش في الحرام ..هاتي يا دنيا إيه تاني شايلاه.. لسه بصحتنا نفسنا طويل..إحنا ولاد الشمس».