مش عشان أعزم واتعزم طول الوقت.. استشاري تغذية: «اللي بيصوم بيجدد شبابه»

قال الدكتور عماد الدين فهمي، استشاري التغذية العلاجية، إنه من الضروري معرفة الأهمية الطبية للصيام وليس الأهمية الدينية فقط، متابعًا: «كلنا عارفين الصيام وأهميته الدينية، ومفيش حاجة ربنا حطها بدون هدف أو ترتيب».
وأضاف فهمي، خلال لقائه مع الإعلاميتين شيرين الشايب ونجلاء البيومي، ببرنامج «رمضان كريم»، المذاع على القناة الثانية، «اللي بيصوم صيام إسلامي بيجدد شبابه، صوموا تصحوا، ودي معلومة لازم الناس تعرفها، أنا بصوم عشان شكلي يصغر وصحتي تتحسن والتخلص من كل الخلايات المريضة والمصابة بأي مرض، إنما مش بصوم عشان أعزم واتعزم طول الوقت».
وأوضح أن العادات والتقاليد في رمضان جميلة ولكن يجب ألا نُبالغ في الأكل في رمضان، موضحا: من ليس لديه مرض يظهر في رمضان فالمعدة بيت الداء، فهي تحب التجانس وتكره الامتلاء وتحب الإنسان خفيف وتتذمر عندما يأكل الإنسان كثيرًا سواء بظهور أعراض مغص أو إمساك وغيرها، فالجهاز الهضمي يُعبر عن الاستياء من الأكل المُبالغ فيه.