«مقبلتش عزاه من حد».. شريف عامر: عاتبت ربنا في وفاة صديقي (فيديو)

كشف الإعلامي شريف عامر، عن تفاصيل فقدان أحد أعز أصدقائه في سن الشباب، ومعاتبته الله سبحانه وتعالى بعد رحيل صديقه المقرب.
وأضاف «عامر»، خلال حواره لبرنامج «كلم ربنا»، تقديم الكاتب الصحفي أحمد الخطيب على الراديو «9090»: «كان لي صديق اسمه حسين اللي سميت ابنى على اسمه عشان يطلع زيه، وهو أول واحد اتوفي في أصدقائي، نام مصحيش وهو عنده 20 سنة».
وأوضح: «يوميها كان بينا ميعاد وأنا مرحتش، ومقبلتش عزاه من حد، ولا أي كلام يواسيني، وقلت لربنا أنا مش مبسوط، ويا رب لازم أشوفه لما أموت، وعاتبته: قلت انت عملت فيا كده ليه».
وتابع: «عزاء حسين كأنه عزاء رئيس وزراء، لكن اعتقدت وقتها أن ربنا قبل كلامي، لكن حسيت إنى كنت بجح أوي، لأن قولتله يعنى سبت كل الناس، وكان وقتها في حرب تحرير الكويت وخدت ده».
وأكمل: «لكن تعلمت الدرس أن هناك قدر، وكمان تعلمت درس الافتقاد، لكن جزء من الإيمان هو الرضا، وكنت بسمع إن العم محمود السعدنى كان يقول يا رب أنا حبيبك، وفهمت إنه حاجات بتحصل بنعرف معناها بعدين، لأنه نهايته دى كان ممكن أحسن له، وكل 9 نوفمبر بفتكره من 30 سنة، وحسين ابنى اتولد 14 نوفمبر، قولت لربنا خدت واحد هاتلى واحد وفعلا ده اللي حصل».
واستطرد عامر قائلًا: «نوفمبر شهر من افتقدت ومن رزقت، ومن هنا جاتنى فكرة إن ربنا بيحبني، وكنت بقول لأصدقائى أنا هدخل الجنة، وحتى أن تجاوزت يقابل ذلك السماح والاستيعاب، لكن ممكن تتظاهر قدام أي حد إلا ربنا، وبقيت بحب أدعى برة الصلاة، يعنى الصلاة فرض، لكن دعائي الجانبي هو حق الله عليا».
اقرأ أيضًا:
كل الشركات سابتني.. بيج رامي: فلّست ورجعت مصر مكنش معايا مصاريف بيتي
مبروك تم إيداع 81 تريليون دولار في حسابك.. خطأ كارثي في أحد البنوك (فيديو)
عايدة رياض: تزوجت محرم فؤاد كيدًا في نجم نادي الزمالك (فيديو)
ب2 مليون جنيه.. إيناس الدغيدي تكشف حقيقة حصولها على حقنة كل 6 أشهر (فيديو)