إيناس عز الدين: الأوبرا بتطلب مننا لبس فوق مرتباتنا.. وبرفض الغناء في الملاهي الليلية لهذا السبب

كشفت المطربة إيناس عز الدين، تفاصيل أزمتها مع دار الأوبرا المصرية، وعدم حصولها على راتبها كونها موظفة بوزارة الثقافه المصرية.
وقالت إيناس عز الدين خلال تصريحات تلفزيونية، قائلة :«بطالب بحقوق مهدورة، ممكن أكون واخده جزء من حقي ولكن في ناس قاعدين السنين في بيوتهم ممكن نقول سوء إدارة وبنميز ناس على حساب ناس والشلة والتفضيلات، احنا موظفين وزارة الثقافة يعني بنقبض الحد الادنى للاجور وبيتطلب لبس وشكل معين في معندهمش القدرة المادية».
وأكدت إيناس عز الدين، إنها ترفض الغناء في الملاهي الليلة:«برفض أغني في ملاهي ليلية عشان بقدر موهبتي وفني، في ناس قالولي اللي منزلش غنى في شارع الهرم مبقاش نجم، هل هدفي انزل اغني فلوس بس، انا دي قمة متعتي لما بكون في مطعم والناس تقعد تسمعني وتركز معايا، وبخاف برضو يحصل تحرش أو حاجة متعجبنيش في الأماكن دي».