موظف أمام محكمة الأسرة: «مش قادرة تسامحني على غلطة عملتها من 17 سنة» (تفاصيل)

«كنت طايش قبل ما اتجوز مراتي، وكنت أعرف واحدة، ولكن ربنا تاب عليْ وخلاص اتجوزت، ومش شاغل بالي غير بولادي ومراتي، ولكن إللي كنت أعرفها زمان بتحاول تخرب بيتي بعد ما جوزها طلقها»، بهذه العباراة دافع زوج ( موظف، 39 عامًا) عن نفسه أمام محكمة الأسرة، في دعوى طلاق للضرر أقامتها زوجته (ربة منزل، 37 عامًا) ضده، بعد 15 عام من زواجهما.
اقرأ أيضًا: سيدة أمام محكمة الأسرة: «جوزي كان شغال عند والدي في المصنع وبعد ما اغتنى غدر بيا»
وقال الزوج المُدعى عليه أمام محكمة الأسرة خلال ثالث جلسات دعوى طلاق للضرر أقامتها زوجته ضده: «كنت أعرف واحدة قبل ما أشوف مراتي واخطبها، ولكن قطعت علاقتي بها نهائي، وهي سافرت واتجوزت راجل غيري، وأنا الحمد لله ربنا رزقني بمراتي، ست محترمة وبنت ناس ومبسوط معاها، وربنا رزقنا ب 3 أطفال، وحياتنا ماشية كويس الحمد لله».
اقرأ أيضًا: زوجة أمام محكمة الأسرة: «جوزي عايرني إني مش قادرة أخلف»
الزوج: «الإكس خربت تخرب بيتي»
وأضاف الزوج: «من 4 أشهر لقيت رقم غريب بيرن على، فرديت عليه عادي، فلقيتها واحدة كنت أعرفها من 17 سنة، وقفلت معاها المكالمة وطلبت منها ما ترنش على تاني، وخصوصًا بعدما ما عرفت إن جوزها طلقها، وأنا بحب مراتي ومش عايز مشاكل».
اقرأ أيضًا: سيدة أمام محكمة الأسرة: «طالب والدتي بدفع ثمن الكشف والسونار»
المُدعى عليه: «اتهربت من السيدة ولكنها أوقعت بيني أنا ومراتي»
وأكمل أمام محكمة الأسرة : «لاقيتها السيدة بترن عليْ من رقم غريب مرة تانية، فقفلت السكة في وشها، وبعد 4 أيام، لاقيت مراتي بتفاتحني في الموضوع، وبتتهمني إني علاقة بيها من زمان وببعت لها من وقت للتاني، ولما كدبت كلامها، قالت لي إن الست كلمتها وقالتها على إللي كان بينا زمان، وخدت عيالي وراحت عند أهلها، وحاولت أحل المشكلة إللي أنا مليش ذنب فيها، فقالت لي زي ماكنت بتكلمها قبل ماتعرفني عادي تكمها تاني دلوقتي وخصوصًا بعد ما جوزها طلقها ورجعت المنطقة تاني».
اقرأ ايضًا: سيدة أمام محكمة الأسرة: «أبوبناتي التلاتة رمانا بعد ما جاله الولد»
زوج المُدعية: «بتحاسبني على غلطة عملتها من 17 سنة»
واختتمت دفاعه عن نفسه: «حاولت أحل المشكلة مع مراتي، وإني دي غلطة عملتها زمان من 17 سنة وتبت عنها، ولكن اتفاجئت إنها رفعت دعوى طلاق للضرر ضدي».