سيدة أمام محكمة الأسرة: «بيطلب مني حاجات محرمة بسبب صديقه»

«4 سنين جواز كان كويس معايا وتصرفاته طبيعية، لكن فوجئت به يلمح لحاجات غريبة في وسط الهزار، فكنت بكدب وداني وأعمل مش واخدة بالي، ولكن لقيته بيطلب مني حاجات محرمة»، بهذه العبارة استهلت سيدة (29 عامًا) حديثها أمام محكمة الأسرة خلال نظرها دعوى طلاق للضرر أقامتها ضد زوجها (37 عامًا).
وقالت الزوجة خلال نظر دعوى طلاق للضرر أمام محكمة الأسرة: «اتجوزته من 4 سنين بعد قصة حب، هو موظف وأنا متفرغة للبيت، وحياتنا كانت مستقرة تمام، هو معاملته كويسة، وبيوفر لي كل احتياجاتنا أنا وابنه، كان بيصلي في بداية معرفتي به، ولكن مع الوقت بدأ يتكاسل ويقصر في العبادة بشكل عام».
أقرا أيضًا: «خنتيني مع ابن خالتك».. سيدة عشرينية أمام محكمة الأسرة: «زوجي رافض يعترف بنسب ابنه»
الزوجة: «بيقول ألفاظ وداني ما تحبش تسمعها»
وأضافت: «كنت بنصحه كتير وبحاول أخد بإيده عشان يرجع يلتزم في الصلاة والعبادة من تاني، ولكن كان بيسمع ويقول لي ادعي لي، وبعد فترة ابتدت طريقة كلامه تتغير وببقي يقول ألفاظ مش كويسة وداني ماتحبش تسمعها».
أقرأ أيضًا: سيدة أمام محكمة الأسرة: «يوم صباحيتي لقيت حماتي واقفة جنب السرير.. وكان لها طلب غريب»
السيدة: «صحبة السوء دمرت حياتنا»
وأكملت المُدعية: «خدت منه موقف عشان يبطل يقول الكلام ده ولكن كان لسانه اتعود يقوله، بحكم إنه بيقضي وقت كبير مع صاحبه اللي أخلاقه مش كويسة، واتفاجئت به بيطلب مني أقوله الكلام ده وإحنا مع بعض في العلاقة الخاصة، فرفضت، ولكن هو أصر، وبدأ يطلب مني حاجات حرام نعملها سوا، وبقا يقول لي عادي صاحبي مراته بتعمل معاه كده، فقررت أطلب الطلاق بعد ما فقدت فيه الأمل ولكن هو وافق بشرط إني أتنازل عن كل حقوقي، فاضطريت أرفع دعوى طلاق للضرر ضده عشان ما يخدنيش للحرام، وكمان أضمن حقوقي منه».