عصام صاصا يطرح أغنية مسلسل «ولاد الشمس» ل أحمد مالك وطه دسوقي في رمضان 2025

طرح مطرب المهرجانات عصام صاصا، أغنية «احنا ولاد الشمس»، من مسلسل «ولاد الشمس» بطولة الفنان أحمد مالك وطه دسوقي، المقرر عرضه في موسم رمضان 2025 على قناة «dmc» و«cbc» ومنصة «watch it».
كلمات أغنية «احنا ولاد الشمس»
أغنية «احنا ولاد الشمس»،من كلمات وألحان محمود سوستا وتوزيع كيمو الديب، والفيديو كليب من إخراج شادي عبدالسلام، وتقول كلماتها :معانا مش على ما يرام..بس احنا ممشناش ف الحرام..السيره الحلوه والاحترام..هي اللي دايما بعد الرحيل.. قد الدنيا بعون الله..مهما نعيش ونشوف معاناه..هاتي يا دنيا ايه.
تاني شيلاه.. لسه بصحتنا نفسنا طويل..احنا ولاد الشمس ..واللي ييجي علينا ميسلمش..احنا بنخوف ومبنخافش..سدادين ونسد عين الشمس..اسامينا بتشرف..دخلتنا لوحدها دي بتخطف..جرب حظك ياض لو تعرف..واحنا هنديك ف الاكشن درس..احنا اخوات ونموت على بعض..و يا ويلو اللي معانا يتحط.
وزي منت شايف بالظبط..محدش يقدر يتحدانا..احنا نفدي بعضنا بروحنا..شرفنا أي مكان في روحنا..احنا الفلوس مكانتش طموحنا..ولاد اصول وعنينا مليانه..اكله واحده ونومه واحده..ايدنا واحده قلوبنا قلوب جامده..احنا مش بنكن ولا بنهدا..إلا لما نجيب حقنا..قوتنا ف العزوه..حتي لو دنيتنا دي مش حلوه.
جمب بعض ف خير ولا ف بلوه..المهم نكون مع بعضنا..أي نعم احنا مش رجال اعمال ..بس عمايلنا اعمال رجال..و ف ضهر بعض على أي حال..كل اللي شاف عزووتنا دا خاف..ربك ساترها عشان سالكين ..عشان احنا من جوانا صافيين..بنشوف نداله م البني ادمين..بس احنا زي محنا نضاف..الشده بتشد..بس برضو احنا اسود بنسد.
دحنا لو خدنا الموضوع عند..مش هتخلص ويانا بالساهل..صابرين على الصبر.. طيبين ف زمان مليان شر..جوه غابه ومفيش فيها مفر..بس لو هنخاف احنا هنتاكل..لا نعيشها ونعيش فيها عيشه فل.. لاما هنموت احنا الكل..ف الدنيا شوفنا الويل والزل.. بس احنا زي محنا ثابتين..على وضعنا ومتغيرناش..لو كلو خاب احنا مخيبناش.
في ضهر بعض ومجلناش.. زي ما ترسا والله المعين.. اخوات وع العهد.. جمب بعض ميشغلناش حد.
أي حد قصادنا على القد.. سدادين ولا حد معانا سد..الهيبه بتهيبنا..بختك اسود ياللي هتلاعبنا.. لينا بصمة وهيبه مهما غيبنا.. لو زعلنا نهدها يابا هد.
صناع مسلسل «ولاد الشمس»
مسلسل «ولاد الشمس» من بطولة أحمد مالك وطه الدسوقي ومحمود حميدة وفرح يوسف ومريم الجندي، وهو من تأليف مهاب طارق وإخراج شادي عبدالسلام، ويتكون من 15 حلقة.
وتدور أحداث مسلسل «ولاد الشمس» في إطار اجتماعي درامي، حول صديقان تربيا سويا منذ الطفولة في دار أيتام، ويتناول المسلسل كيف كانت رحلتهما في الحياة وتحولهم إلى لصان يعملون في عالم السرقة والجرائم.
اقرأ ايضًا
«الكروان رجع خلاص».. أول تعليق من عصام صاصا بعد خروجه من السجن (فيديو)