«أي حد بقه بيتكلم شوفوا الأهلي بيعمل أيه».. شوبير يهاجم مسؤولي الزمالك

انتقد الإعلامي أحمد شوبير حارس مرمى الأهلي ومنتخب مصر السابق، التصريحات الكثيرة عبر مصادر مختلفة من داخل القلعة البيضاء بخصوص نادي الزمالك وفريق الكرة وصفقات النادي في الميركاتو الشتوي.
وقال أحمد شوبير في تصريحات إذاعية اليوم الأحد: «الله يخليكوا الزمالكاوية يخفوا علىّ، عشان أنا بتكلم في قضية مهمة شوية النهاردة، وهي أنا لو زملكاوي هاخد أخباري من مين: من أحمد سالم المتحدث الرسمي ولا حسين لبيب رئيس النادي ولا أخدها من جمال العدل ولا الدكتور مدحت العدل ولا الكابتن أحمد حسام ميدو ولا أيمن ممدوح عباس».
اقرأ أيضًا: «بيختاروا اسماء معينة».. شوبير يعلق على أنباء إصابة عاشور وبن شرقي
وأوضح شوبير: «طيب هناخد من مين ده بيقول حاجة وده حاجة ده بيمشي في اتجاه وده بيمشي في اتجاه تاني ده بيقول صفقة وده بيقول صفقة تانية ما تحددوا يا جماعة عشان جماهير الزمالك ما تحترش هي كمان وأنا على فكرة أكثر واحد اكلمت على مجلس الإدارة كويس برئاسة الكابتن حسين لبيب».
وتابع شوبير: «يا جماعة قولوا لنا بس من مين ناخد المعلومة هو أي حد يطلع يتكلم باسم نادي الزمالك هو حضراتكم مش عارفين قيمة نادي الزمالك، مينفعش أي حد يطلع يكلم باسم نادي الزمالك حضرتك لازم تحدد واحد ويطلع بيان من نادي الزمالك بكده».
وضرب شوبير مثالا بالأهلي موضحًا: «في الأهلي مثلا لجنة التخطيط بتشوف الكابتن مختار مختار رئيس اللجنة قد أيه بيتكلم، محمد رمضان المدير الرياضي اكلم مرة أو مرتين، وعندك حسام غالي ومحمود الخطيب وزكريا ناصف مين فيهم بتشوفوا بيكلم».
وأضاف شوبير: «يا جماعة الزمالك اسم كبير جدا وقيمة كبيرة جدا وجمهور الزمالك من حقه يعرف المعلومة من مصادرها أنا شايف الأمر عجيب وغريب جدا، أيه ده، هو فيه أيه قل لي يا سيدي ميدو اللي هيتكلم عن الصفقات بس يكون واحد بس بيتكلم».
واختتم شوبير: «طيب هل الكلام ده يزعل حد..؟ اه فيه ناس بتزعل بس أنا لازم أكلم، أرجو محدش يغضب بس اللي عايز يزعل مش هقول حاجة يعني».