أحمد فهمي يكشف تفاصيل تعرضه لعملية قلب مفتوح

كشف الفنان أحمد فهمي عن أزمة صحية تعرض لها، مؤخرا، أجرى على أثرها عملية قلب مفتوح، موضحا أن هذه العملية غيرت طريقة تفكيره لدرجة كبيرة عن الحياة.
وقال «فهمي» خلال استضافته ببرنامج «كلام نواعم»:«دايما كنت بحب اهتم بجسمي جدا وأروح الجيم واكل كويس عشان صحتي، لكن في عام 2016 كنت اول مرة اشتغل مسلسل في شهر رمضان وأخلص قبل رمضان، متعود بنخلص تصوير في رمضان، المرادي خلصت قبل شهر رمضان بكام يوم».
وأضاف :«أنا بحب الحلويات أوي ورمضان بقى كنافة وقطايف لقيت نفسي بزيد على الميزان قلت أروح للدكتور عشان أظبط الأكل، وهو بيكشف عليا عمل ريأكشن كده حاول ميبينوش بس أنا فهمت وطلب مني تحاليل وعملت التحاليل ورجعتله قالي أنت عندك حاجة في القلب».
View this post on Instagram
A post shared by كلام نواعم Kalam Nawaem (@kalamnawaeminsta)
وتابع :«قلتله إزاي عندي حاجة في القلب المفروض أحس بأعراض، قالي محتاجين نكشف الاول، كشفت طلع في حاجة اسمها الصمام الميترالي عندي فيه قطع بسبب العصبية، سافرت وعملت عملية قلب مفتوح في إنجلترا فجأة في اللحظة دي شفت الحياة بمنظور مختلف تماما»
وأختتم الدكتور وهو معايا دخلنا أوضة العمليات عشان يشرحلي قالي السرير دا أنت ممكن بعد ساعتين تقوم وممكن لأ بيتكلم عادي أنا مأخدتش الكلمة أنها حاجة وحشة وأخدتها بطريقة إيجابية بس من اللحظة دي بقيت بشوف الحياة بمنظور مخالف وأن الواحد بيدور على حاجات ممكن تكون مش مهمة نهائي في الحياة«.
رمضان 2025.. تفاصيل اجتماع أحمد فهمي وميرنا نور الدين ونجلاء بدر ب«في لحظة»
يخوض الفنان أحمد فهمي السباق الرمضاني 2025، بمسلسل جديد يحمل اسم «في لحظة»، وهو ينتمي لنوعية المسلسلات الرومانسية التي تحتوي على بعض التفاصيل الكوميدية.
وكشف المؤلف هشام هلال في تصريحاته ل«المصري اليوم»، عن تفاصيل العمل، إذ قال إنه مسلسل رومانسي، يتكون من 30 حلقة، ويتمنى أن ينل إعجاب الجمهور بعد عرضه في السباق الرمضاني.
وكشف هشام أن المسلسل يجمع أحمد فهمي، نجلاء بدر، إدوارد، صفاء الطوخي، ميرنا نور الدين، وغيرهم من الفنانين، وهو من إخراج أحمد خالد.
ومؤخرًا شاركت الفنانة نجلاء بدر، في مسلسل «سراب»، الذي ضم مجموعة كبيرة من نجوم العمل أبرزهم خالد النبوي، يسرا اللوزي، جيهان الشماشرجي، هاني عادل، دياموند بو عبود، أحمد وفيق، إنجي المقدم، محمد كيلاني، أحمد مجدي.