لطيفة عن مجدي يعقوب: «أيقونة العالم العربي ونعمة ربانية للبشرية كلها»

كشفت الفنانة لطيفة عن رأيها في الجراح المصري السير مجدي يعقوب حيث أكدت أنه أيقونة العالم العربي.
ونشرت عبر صفحتها على« انستجرام » منشورا نصه: «من أعظم وأبسط وأرقى الناس اللي قابلتها في حياتي القيمة والقامة والنعمة الربانية اللي ربنا جابهالنا للبشرية كلها».
وتابعت: «ابن مصر العظيمة الولادة، فخورة وكلنا بنحمد ربنا على نعمة وجودك في حياة الانسانية والبشرية كلها».
وأردفت: «كم أنت عظيم بهذا الانجاز العظيم، ربنا يديك الصحة ويخليك لينا، لو في أيقونة في العالم العربي، فمجدي يعقوب يتصدرها بجدارة».
عرض هذا المنشور على Instagram
‏تمت مشاركة منشور بواسطة ‏Latifa لطيفة التونسية‏ (@‏latifaofficial‏)‏
تامر حسني يتحدث عن إنجازات مجدي يعقوب: «لازم نعمل له تمثال»
تحدث الفنان تامر حسني عن إنجازات الدكتور مجدي يعقوب، والذي كان آخرها ابتكار صمامات قلب حية يمكن زراعتها في جسم المريض، وهي صمامات طبيعية تتشكل من خلايا الجسم نفسه، قد تساهم هذه التقنية في حل العديد من المشكلات التي يعاني منها مرضى القلب.
وكتب تامر حسني عبر حسابه على «فيسبوك»: «للي ميعرفش أولًا، وأنا طفل كان عندنا درس في العربي اسمُه مجدي يعقوب عشان كان أول طبيب في العالم يعمل عملية زرع قلب وكانت تقريبًا سنة 1980 يعني الراجل ده أسطورة في عالم الطب من سنين كتيره مش من دلوقتي».
أضاف: «ثانيًا … هذا الرجل الملاك وهب كل حياته لخدمة البشريه عارفين يعني إيه كل حياته لحظه بلحظه لخدمة البشرية لخدمة ولادنا لخدمة الإنسانية لخدمة الطب وكل دكاترة المستقبل، النهارده دكتور مجدي يعقوب بيحقق كمان إعجاز طبي جديد بعد 45 سنة من أول إنجاز يعني بصراحه الراجل ده أعظم رمز في العالم للنجاح وفضل ينجح ويتحدى نفسه لحد ما حقق معجزه طبية مفيش ولا دكتور في العالم عملها إلا دكتورنا المصري العربي».
واختتم قائلًا: «حاجة تشرف أوي حاجه عظيمة أوي الراجل ده لازم يبقى في شوارع وميادين باسمه لازم يبقى ليه تمثال لازم يتعمله أكبر تكريم إنساني في تاريخ مصر والعالم كل الشرف والفخر بإنك مصري عربي».