«سندي وضهري» أسما شريف منير توجه رسالة لوالدها

وجهت الفنانة أسما شريف منير رسالة لوالدها حيث أكدت أنه سندها في الحياة.
ونشرت عبر صفحتها على «انستجرام» صورتها مع والدها وذلك بواسطة الذكاء الاصطناعي وعلقت قائلة: «سندي وضهري».
عرض هذا المنشور على Instagram
‏تمت مشاركة منشور بواسطة ‏Asma cherif moneer- اسما شريف منير‏ (@‏asma.sherif.moneer‏)‏
«اتعاملت مع الADHD بتاعي».. أسما شريف منير تكشف 25 درسًا من 2024
كشفت الفنانة أسما شريف منير عن دروس تعلمتها في 2024، معربةً عن شعورها بالامتنان للعام الجديد بشكل عام لأنها تمكنت من اكتشاف نفسها خلاله.
وكتبت أسما عبر حسابها الرسمي ب«إنستجرام»، عن الأمور التي تعلمتها: «هاقولكم على 25 حاجة.. يا اتعلمتها، يا اكتشفتها، يا نفسي أتعلمها أو أكتشفها قريبًا».
وسردت أسما الدروس التي تعلمتها وهي:
1. اتعلمت إني مابقاش متعلقة لا بحد ولا بحاجة.
2. اكتشفت إني باعرف أحب جدًا، لكن ما بعرفش أتقبل الحب بسهولة.
3. اكتشفت إني بحب الرسم والبلياردو جدًا.
4. اتعلمت أصبر شوية، ولسة نفسي أتعلم الصبر الحقيقي وما أستعجلش الأمور.
5. عايزة أتعلم أزرع وأبقى عندي صبر على العناية بالنباتات.
6. اكتشفت إن البساطة بالنسبالي أجمل بكتير من البهرجة.
7. نفسي أتعلم أحسّن علاقتي بالفلوس وأعرف أوفّر وأخطط.
8. عايزة أكتشف وأتعلم أكتر عن ديني وعن ربنا.
9. اكتشفت إن الصحة هي أغلى حاجة في الحياة.
10. اكتشفت إني عندي روح مغامرة قوية جدًا، وإني قادرة على مواجهة التحديات.
11. اتعلمت إن الدنيا مش بتدي للمحتاج، لكن لما تبقى متوكل على ربنا بصدق، مش هتحتاج غير رضاه.
12. اكتشفت إني باحب أعيش وسط الزحمة والحركة، والكومبوندات بتكتّفني.
13. اكتشفت علاقة جديدة ومهمة في حياتي، وهي علاقتي بجسمي.
14. اتعلمت أبقى أهدى، وبقيت أعقل وأنضج بكتير.
15. اكتشفت إن اهتماماتي في الحياة اتغيّرت.
16. نفسي أكتشف نفسي أكتر وأعرف جوانب جديدة عن شخصيتي.
17. اتعلمت أحب بعمق وأسيب الحب حر، من غير أي قيود أو شروط.
18. اكتشفت أغلب مشاكلي النفسية، وده خلاني أبدأ أفهم نفسي أكتر.
19. اتعلمت أسكت وأسمع الناس أكتر.
20. عايزة أتعلم أكون مستمعة حقيقية وأنصت بتركيز أكبر.
21. نفسي أتعلم التلاوة والتجويد وأحسّن صوتي في قراءة القرآن.
22. اكتشفت إني طموحة جدًا، لكن للأسف بسوف كتير.
23. اتعلمت شوية طرق أتعامل بيها مع ال ADHD اللي عندي.
24. عايزة أكتشف بلاد كتير، وأولها اليابان.
25. اكتشفت إني بحب الفن بكل أشكاله وأنواعه، وعندي شغف إني أتعلم طول الوقت وأكتشف نفسي من خلاله.
واختتمت أسما منشورها قائلةً: «دي حاجات بتعبر عني وعن الرحلة اللي عديت بيها، ولسه مكملة لاكتشاف نفسي والعالم واللي مخبيه.. كل سنة وانتم طيبين».