«لاعيبة انتوا عارفينهم».. عمرو أديب يكشف سبب خسارة الأهلي من باتشوكا (فيديو)

علق الإعلامي عمرو أديب على خسارة فريق النادي الأهلي لقب كأس التحدي أمام فريق باتشوكا المكسيكي، بنتيجة 6-5 بركلات الترجيح، في نصف نهائي بطولة كأس إنتركونتيننتال.
عبر «أديب» خلال تقديمه برنامجه «الحكاية» عبر قناة «إم بي سي مصر»، مساء السبت، عن حزنه بسبب خسارة الأهلي لمباراة كانت سهلة وفي المتناول، على حد تعبيره، معقبًا: «قلبي يقطر دمًا».
وقال إنه كان يشجع النادي الأهلي اليوم أمام فريق باتشوكا المكسيكي بكل وجدانه، مشيرًا إلى أن الفريق المكسيكي يقبع في المركز ال16 بالدوري.
وأضاف: «لاعبو باتشوكا مش مصدقين نفسهم بعد المباراة، باتشوكا فريق مكسيكي مضروب، وتعبان كان لازم يتغلب 3 أو 4، والأهلي ضيع مباراة سهلة جدًا».
سبب خسارة الأهلي من باتشوكا
عن سبب خسارة الأهلي، حمل أديب نجوم الفريق واللاعبين الكبار مسؤولية الخسارة، قائلًا: «في عدد من اللاعبين كان عليهم مسؤولية كبيرة، مش هسميهم، بس انتوا عارفينهم. الأسماء الكبيرة بتضيع مباريات الأهلي بسهولة. مشكلة الأهلي دلوقتي في الأسماء الكبيرة هي اللي بتخسر الماتشات».
وتابع: «تحس إن الزمالك اللي بيعلب النهارده، هو اللي متعود يخسر بلا أي سبب واضح. النهارده الجنرال حظ تخلى عن الأهلي بعد ما كان دايما بيقف جنبه، حاجة ما أبعدت الحظ عن الأهلي النهارده».
عمرو أديب: باتشوكا في الكاتشوكا.. مشكلة الأهلي دلوقتي في الاسماء الكبيرة هي اللي بتخسر الماتشات
شاهدوا #الحكاية على #MBCMASR من الجمعة للاثنين 10م بتوقيت القاهرة من هنا https://t.co/dw22cTIRCQ pic.twitter.com/1G8OyMzmcZ
— الحكاية (@Elhekayashow) December 14، 2024
اقرأ أيضًا:
*حسام موافي يحذر هؤلاء المرضى: «بلاش تضيع عمرك عشان متعة 10 ثواني» (فيديو)
*«مش هتحول فلوس غلط تاني».. تحديث مهم على «انستا باي»
*عمرو أديب: «بقع من الضحك لما حد يقولي أنا خايف من تقسيم سوريا» (فيديو)