«هيطلعوا يشتموني».. شوبير يفجّر مفاجأة مدوية بشأن إيقاف القيد في الزمالك

فجّر الإعلامي أحمد شوبير حارس مرمى الأهلي ومنتخب مصر السابق مفاجأة مدوية بشأن إيقاف القيد في الزمالك من جديد بسبب اللاعب الغاني بنيامين أشمبونج.
وقال أحمد شوبير في تصريحات إذاعية اليوم الأحد: «وكيل أشمبونج طلع في تصريحات قال إن اللاعب بقى غني جدا بسبب الزمالك واشترى بيت في غانا وعايش عيشة الملوك، وبيقول إن الحدودتة كلها كانت 120 ألف دولار وأشمبونج خد مليون و200 الف دولار».
اقرأ أيضًا: «مش بتحب حسام براحتك لكن أيه اللي مش عاجبكم».. شوبير يدافع عن منتخب مصر
وأوضح شوبير: «حتى الغرامة الأخيرة بتاعة أشمبونج الفوائد بتاعتها خليتها تزيد من 50 إلى 80 ألف دولار تقريبا، أنا مستغرب جدًا هو فلوسنا كثير للدرجة دي وبعدين هو كل شوية بقت حدودتة إيقاف قيد دي تتكرر، هو موضوع سهل يعني، وبعدين لما نيجي نكلم الناس تزعل وفي الأول لما قولنا إيقاف قيد قالوا مفيش إيقاف دلوقتي قالوا إيقاف القيد متوقع وبنجهز الفلوس ال 172 ألف دولار وهنسددها، طيب أنا دلوقتي أقول فيه إيقاف قيد ولا لأ عشان الناس ميطلعوش يزعلوا مني ويشتموني».
وأضاف شوبير: «أرجع تاني وأقول كثير جدا اللي بيحصل ده على جماهير نادي الزمالك هيطلع واحد يقول لك خليك في حالك ما هو ده حالي واحد تاني يقول لك لو في الأهلي هتتكلم، طيب مفيش في الأهلي إيقاف قيد أعمل أيه يعني أعمل.. يا سادة عندك مشكلة حاول تحلها بدل الكلام ده، ولو طلع من أي ناد مشكلة هقول عليها».