«التريند هيجننا».. شوبير يوجه رسالة قوية بعد واقعة سحر مؤمن زكريا

شن الإعلامي أحمد شوبير حارس مرمى الأهلي ومنتخب مصر السابق هجوما عنيفا على من انتقدوه في الساعات الماضية بسبب هجومه على صاحب فيديو واقعة سحر مؤمن زكريا وتشكيكه فيه خلال برنامجه الإذاعي أمس.
وقال أحمد شوبير في تصريحات إذاعية اليوم الإثنين: «الولد التربي اللي اكلمت عليه إمبارح، بشوف ردود الفعل على اللي أنا قلته لقيت هجوم عنيف: يا جاهل ياللي مبتعرفش، ليه ياعم أنا قولت أيه، يقول لك السحر موجود في القرآن.. يا جماعة أنا قولت اللي الناس قالته ومش عارف أيه علاقة مجدي عبدالغني، مجدي ماله، بس هو اللي عمل الموضوع ده عمله بذكاء شديد جدا».
اقرأ أيضًا: «الفوز ببطولة جديدة».. شوبير يعلن عن خبر هام لجماهير الأهلي
وأوضح شوبير: «وزارة الداخلية بعد التحقيق في الفيديو المنتشر بخصوص عثور تربي على طلاسم سحرية وعروسة قماش بها مجموعة من الدبابيس، أمام مقبرة تخص عائلة مجدي عبدالغني، حال زراعة صبار أمام المقبرة، وهى طلاسم خاصة بلاعب الأهلي مؤمن زكريا، بالفحص تبينت الأجهزة الأمنية أن الفيديو مفبرك وورائه عامل مدافن اختلق الواقعة بالاشتراك مع نجله وشخصين وسيدة ومع علمه بمرض بمؤمن زكريا اختلق الموضوع واستغل مقبرة مجدي عبدالغني لإلصاق الواقعة به».
وأضاف شوبير: «كان بيهاجموني ليه بقه بس القصة كلها إن التريند مجننا وطبعا فيه أرباح بتيجي من المشاهدة والقصة والحدودتة، ولقيت اللي بيكتب لي وأنت بتدافع عن مجدي عبالغني ليه، تغييب كامل للعقل مش كده أيه اللي بيحصل ده يا جماعة إحنا في 2025 الحاجات دي كنا بنسمع عنها من زمن الزمن لازم نكبر ونهدى وخلاص بقه الخزعبلات والكلام الفارغ ده، وحتى بعد بيان وزارة الداخلية لسه اللي بيدافع عن التربي ومصدق، تشكيك دائما وأبدًا».
واختتم شوبير: «على زملائنا اللي بيقدموا برامج كفاية جرى وراه التريند الوضع غريب شوية، واحد يقول لك ما تيجي نهبد هبدتين يلا أي خبر في أي حاجة ده أنا مرة قعدت شهر اعتذر على الهوا عن خبر قلته غلط إن كارتيرون جاي الزمالك».