أميرة بدر تهاجم إيناس الدغيدي بعد تصريحاتها عن تجربة المساكنة (فيديو)

هاجمت الإعلامية أميرة بدر، المخرجة إيناس الدغيدي بعد تصريحاتها بخوض تجربة المساكنة مع زوجها لمدة 9 سنوات قبل الزواج.
أميرة بدر تهاجم إيناس الدغيدي بعد تصريحاتها بخوض تجربة المساكنة
وقالت أميرة بدر خلال برنامج «خلاصة الكلام»، المذاع عبر شاشة النهار: «إيناس الدغيدي أنا بحبك وبحترمك لكن الكلام اللي قولتيه جرح الناس كلها والأسر اللي بتتفرج والشباب والأطفال».
وأضافت: «إيناس الدغيدي قالت إنها جربت المساكنة لمدة 9 سنوات، وبعد كدة اتجوزت جوزها، كل واحد عمل حاجة يخليها لنفسه، أنا كمشاهد إيه اللي يهني إني أعرف معلومة زي دي؟».
وأشارت إلى أنه «لو الواحد عمل حاجة غلط مش لازم أطلع أقول وأجاهر ناس كتير اتضايقت.. إحنا عندنا كيان كبير نتشرف بيه ونحترمه وهو الأزهر الشريف، طلع بيان من 3 سنين بيرد على حضرتك».
وتابعت: «الأزهر نزل بيان بخصوص مصطلح المساكنة وهو مصطلح غير موجود وسماه بالمسمى الصح أنه زنا، وده أقوى رد على أي حد عيكلع يقول المصطلح ده مش موجود أصلا».
اختتمت: «الوجوه الاجتماعية المعروفة خلي بالكم من كلاكم لأن السوشيال ميديا بقت في ايد الجميع، ولادنا بيتفرجوا عليها، أنا محبش ولادي يشوفوا أو أو يعرفوا حاجة زي كده، إحنا متمسكين بديننا وعاداتنا وتقاليدنا وعدم تفكك الأسرة».
تصريحات إيناس الدغيدي عن المساكنة
جديرًا بالذكر أن المخرجة إيناس الدغيدي قالت خلال لقائها في برنامج «القرار» من تقديم نادية الزعبي عبر قناة «الغد»: «عشت المساكنة مع جوزي قبل ما أتجوزه قعدت 9 سنين بحبه، مش فاكرة عيشت المساكنة كام سنة لأن الموضوع من زمان» وأكدت إيناس الدغيدي أنها لم تخض تجربة الزواج العرفي من قبل.
اقرأ أيضًا:
«إذا بُليتم فاستتروا».. الإعلامية مروة صبري تهاجم إيناس الدغيدي (فيديو)
قبل إيناس الدغيدي.. نجوم كشفوا عن تجاربهم في المساكنة (تفاصيل)
إيناس الدغيدي تعلق على أزمات شيرين عبدالوهاب: «نفسي أقعد معاها أقوّيها»