«إحنا البلد».. كليب جديد يجمع عبدالباسط حمودة وعمر كمال (فيديو)

طرح مطرب المهرجانات عمر كمال فيديو كليب جديد بعنوان «احنا البلد»، عبر قناته الرسمية على موقع يوتيوب وجميع منصات استماع الموسيقى.
صناع أغنية «احنا البلد»
أغنية «احنا البلد» من كلمات مصطفى الجن، ألحان حسن أش أش، توزيع موسيقي أشرف البرنس.
كلمات أغنية «احنا البلد»:
احنا البلد
عزوة وسند
لو على العدد
متعدناش
سالكين لبعض
بنحب بعض
وفي ضهر بعض
ومجليناش
اتقل تقال
والصحة عال
واقفين جبال
مين هزنا
المعلمة
متكلمة
رب السما
بيحبنا
اسأل علينا الناس تقولك مظبوطين
إعمام بلدنا وشرق غرب مسمعين
لينا هيبة في حضورنا وغيابنا مسيطرين
متصيطين وفي كل منطقه محبوبين
لما الاسود يظهروا
العولة يتبخروا
دي رساله للي ناسينا
واهو بينا بنفكروا
حبة أسامي ع الورق
وبقولكم ع الملأ
فوقوا كارتنا الكسبان
أما أنت كارت اتحرق
رجولتنا كيف
كلمتنا سيف
في بلدنا ضيف
ع الراس نشيله
شوفنا الغريب
قبل القريب
احنا الحبيب
لو فين نجيله
متميزين
مش شفافين
دا تاريخ سنين
يا ولاد يومين
مين فيكوا كان
معروف زمان
يا بتوع الآن
هتروحوا فين
ادخل على الفيس بوك خد صورتي اسکرين
اهي تنفعك برضو في حوار ولا في كمين
لو حد يوم سألك وقال تقرب لمين
اديني رنة وسيبها بس على المعين
مين في البلد قدنا
علشان يحددلنا
ده في ناس يا عم الناس
بتمشي على حسنا
الجدعنة في دمنا
والكل يشهدلنا
‏متصيطين بأصول
ومشرفين نفسنا