تامر حسني يرد على محمد سامي: «خلتني أدمع وقدمتك للجمهور بقلب أب مش صديق»

حرص الفنان تامر حسني، على الرد على المخرج محمد سامي، بعدما وجه سامي له رسالة يشكره فيها على دعمه له، إذ شكر تامر المخرج، ومدح أعماله الفنية المختلفة.
وكتب تامر حسني في تعليق على منشور محمد سامي ب«انستجرام»: «يا سامي يا حبيبي يابن الناس الطيبين، شكرًا من كل قلبي على كل حرف خارج من قلبك كتبته في حقي، خلتني أدمع يا سمسم».
وتابع: «أولًا أنا صدقت موهبتك من وأنت صغير سنًا لأنك فعلًا موهوب موهبة مش عادية وتاريخ نجاحاتك يشهد بكده، كنت عارف وأنا بقدمك إني بقدم مكسب حقيقي للصناعة، ومن يوم ما سجلت رقمك على تليفوني وهو مكتوب سامي ابني، عشان كان إصراري على تقديمك كان بقلب أب مش صديق من سنك أب مصدق في إبنه وعارف إن الناس مش هيدوله فرصة يطلع عشان سنه صغير».
عرض هذا المنشور على Instagram
‏تمت مشاركة منشور بواسطة ‏Mohamed Sami‏ (@‏directormohamedsami‏)‏
وأضاف: «الحمدلله برحلتك ورحلتي أثبتنا للدنيا إنها مش بالسن لأ!، بالمجهود والتعب والشطارة والمذاكرة وأنت كل الصفات دي كانت فيك وأنا لوحدي اللي عارف، عشان كده صممت إن الدنيا كلها تعرف معايا حجم موهبتك الحقيقي، حتى أعمالي اللي من إخراجك ليها مكانة خاصة في قلوب الناس».
وكتب تامر أعماله التي أخرجها محمد سامي قائلًا: «مسلسل آدم، فيلم أهواك، فيلم تصبح على خير».
واختتم تامر تعليقه قائلًا: «ولسه إن شاء الله نجاحات جاية مستنيانا مع بعض، ربنا يوفقك يا حبيبي في كل شغلك اللي جاي وتكسر الدنيا وفي القمة زي عادتك، يا محمد شكرًا تاني على البوست الصادق ده شكرًا يا أصيل يا محترم، ربنا يخلينا دايمًا لبعض ضهر وسند».
اقرأ أيضًا:
محمد سامي يوجه رسالة ل تامر حسني: «ولا تنسوا الفضل بينكم»