مصطفى يونس: الأهلي حسم الدوري قبل مباراة بيراميدز.. وأيمن عبدالعزيز: ده غرور (فيديو)

أكد مصطفى يونس، نجم النادي الأهلي السابق، أن الدوري المصري الممتاز لهذا الموسم، اتحسم للنادي الأهلي منذ الفوز على بيراميدز في المباراة الماضية.
وقال يونس في تصريحات تليفزيونية عبر برنامج «اللعيب» المذاع على شاشة «إم بي سي مصر»: «الأهلي حسم الدوري قبل مباراة بيراميدز اللي جايه، وكل شيء وارد في الكورة، بس الأهلي عودنا أنه مش بيخسر في المواقف دي».
وأضاف: «في سنة من السنين الزمالك كسبنا 2-0 وقت ماكان واقف ثابت البطل الله يرحمه، وكان فرق 4 نقاط للزمالك عن الأهلي، وطلعت مع كابتن لطيف وقالي الزمالك كسب الدوري قولتله لا يا كابتن أحنا اللي هنكسب الدوري».
ورد أيمن عبدالعزيز نجم الزمالك السابق، قائلًا: «شايف أن ده غرور زيادة، ومفيش حاجة اسمها كدة في الكورة، وأيام فريق الأحلام للفارس الأبيض في 96/97 حصل ده وخسرنا الدوري رغم أننا كنا متفوقين على الأهلي ب13 نقطة».
وأكمل: «اللي عايز أقوله أننا بنلعب عشان نكسب بطولة مش عشان نكسب فرقة، ولكن أماني فرق آخرى أنها تكسب الأهلي».