«بنت الشهبندر».. عصام كاريكا يعود للغناء بعد غياب 7 سنوات (تفاصيل)

كشف الفنان عصام كاريكا، عن تفاصيل أغنيته الجديدة «بنت الشهبندر»، التي طرحها مؤخرًا على «يوتيوب»، بعد آخر أغنية طرحها منذ 7 سنوات.
عصام كاريكا يعود للغناء بعد غياب 7 سنين ب«بنت الشهبندر»
وقال عصام كاريكا، في تصريحات ل«et بالعربي»: «الأغنية كلامه ولغتها جديدة كنت عايز اختار حاجة تبقى مختلفة عن اللي موجود، فعجبتني حكاية بنت الشهبندر وعجبتي اللغة اللي مكتوب بها الأغنية، والجيل الجديد ميعرفش اللغة دي، ولما جيت ألحن الأغنية ابتديت اصيغ الكلام بطريقة تليق بصوتي، ومطربين كتير صحابي لما سمعوا الأغنية شجعوني إني اعملها حميد الشاعري ومحمد منير».
وأضاف: «أخرجت كليب الأغنية واستغرق مني 6 ساعات تصوير، و80 % من الكليبات اللي نزلتلي أنا اللي اخرجتها، لأني بكون عارف أنا عايز اوصل أيه للناس من الكليب اللي بيشوفوه، ومستعنتش بأي حد في التصوير وصورت كل شخصيات الكليب بنفسي».
View this post on Instagram
A post shared by ET بالعربي (@etbilarabi)
كلمات أغنية «بنت الشهبندر»
تقول كلمات أغنية «بنت الشهبندر»:
الحلوه بنت الشهبندر
قالتلى أشوفك في البندر
قولتلها خايف يا صبيه
يشوفنى حد معاكى أضر
على إيه ح نكدب ونكابر
ده إنتى بنت الأكابر
وابوكي قصره في راس التين
وانا بيتنا عشه في سيدي جابر
عندك حرس ماشين سته
بيحرسوكي في الحته
لو شافوني بقرب منك
يقطعوني ميت حته
لو جابوا على بابك عسكر
انا برده قاعد ومعسكر
ياتمر حنه انا جالي جنان
من نظرتك في الليل بسهر
اقرأ ايضًا
عصام كاريكا يكشف مفاجأة عن «شنكوتي».. من كان صاحب الأغنية؟ (فيديو)