بعد «تحرش مسن».. القبض علي مندوب مبيعات بتهمة التعدي علي فتاة داخل ميكروباص بالبساتين

تمكنت الأجهزة الأمنية بالقاهرة، اليوم الأربعاء، من إلقاء القبض علي مندوب المبيعات المتهم بالتعدي على فتاة بالسب والقذف، خلال محاولتها الدفاع عن نفسها من تحرش مسن بها داخل سيارة ميكروباص بمنطقة البساتين بالقاهرة.
كانت الفتاة حررت محضرا بقسم شرطة البساتين اتهمت فيه مندوب المبيعات بالتعدي عليها، وأرفقت الفيديو الملتقط في محضر الشرطة.
يذكر أن الفتاة أشارت عبر صفحتها الشخصية بموقع التواصل الاجتماعي «فيس بوك» إلى تفاصيل الواقعة قائلة: «النهاردة الدنيا مكانتش زحمة أوي فقولت فيها إيه لما أركب مواصلات ونوفر النهاردة يا حسناء؟، وكالعادة طلع قرار خاطئ تماما، قاعدة في الكرسيين اللي جنب السواق حاطة السماعات، كل شوية أحس بإيد بتتحط ع الكرسي بتاعي من ورا ولازقة في ضهري، بصيت لقيته راجل كبير قولتله ممكن بس إيدك بعد إذنك يا حج، بصلي باستغراب ومتحركش، فقدمت أنا بنفسي قدام، كل شوية إيده بتتحرك مرة تانية إما تشد شعري أو تعمل حاجة غريبة أنا مش قادرة أحددها».
وأضافت: «لفيت قولتله بعد إذنك بس يا حج إيديك من عالكرسي، قالي إيه هو أنا لمستك انتي فاكراني بعاكسك يعني! قولتله أنا مقولتش إن حضرتك بتعاكسني ممكن بس إيدك من عالكرسي؟ راح ماسك الكرسي بإيديه الاتنين وقعد يخبط فيه وقالي لا مش هسيبه هو انتي فاكراني قدك وهعاكسك، قولتله هو انت بتعمل إيه شيل إيدك من عالكرسي ماليش دعوة قدي ولا لأ أنا بقولك الكرسي بتاعي! لقيت ولد جنبه بيقولي انتي بتتكلمي كدا ليه ده راجل قد أبوكي! قولتله خليك في حالك لو سمحت أنا مغلطتش فيه».
واستكملت: «لقيت البطل اللي في الفيديو اللي تقريبا مستحملش يشوف واحدة راجل كبير ضايقها ف بترد عليه وبدأ يقولي انتي بتتكلمي كدا ليه وسيل من الشتايم الزبالة اللي من كتر ذهولي وخضتي منها فضلت ساكتة شوية ومجاش ف بالي غير اني أطلع الموبايل أصوره».