رد الإعلامي أحمد شوبير حارس مرمى الأهلي ومنتخب مصر السابق بقوة على ما تردد في الساعات الماضية بشأن إصابة محمد الشناوي وحقيقة ادعائه الإصابة بسبب الاعتماد على الحارس الشاب مصطفى شوبير. وقال أحمد شوبير: «إمبارح الشناوي في التدريب جات له إصابة خفيفة شد في السمانة وخرج من التدريب وبعدها بدأ الكلام الغريب في كثير من المواقع والسوشيال ميديا». اقرأ أيضًا: «العب كراجل وورينا هتعمل ايه» مدحت شلبي يكشف سر خناقة صلاح مع كلوب وأردف حارس الأهلي السابق: «اللي يقول لك الشناوي رفض الجلوس احتياطيا أمام مازيمبي يا جماعة بلاش كلام فاضي ده منزلش تدريب جماعي واحد مع الفريق كان بيدرب فقط مع مدرب الحراس، وكلنا في انتظار عودة محمد الشناوي لكن حضرتك تطوعت وقلت رفض الجلوس احيتاطيا. وتابع شوبير: «هيطلع حد يقول لك اصل مستر كولر جاب محمد الشناوي قبل ماتش مازيمبي وقال له مش هتلعب، فقام الشناوي ادعي الاصابة أيه ده إحنا أساتذة أفلام بنموت في نشج القصص الخيالية وعمل الأفلام». وأوضح شوبير: «أنا قلتها قبل كده يا جماعة المقامات محفوظة ده محمد الشناوي رمز كبير في الأهلي وأنت زعلان إن فيه حارس شاب كويس ظهر زي مصطفى شوبير، سيبهم يا عم يتنافسوا وفي الآخر فيه مدرب اللي شايفه في صالح الفريق هيعمله». أضاف شوبير: «إنما الفترة اللي فاتت كل ما تفتح برنامج الشناوي شوبير، شوبير الشناوي مش كده يا جماعة في النهاية الاثنين عايزين الأهلي يكسب ومش في دماغهم الكلام ده».
