علقت الفنانة ميار الببلاوي، على ما أثير بشأن كتمانها شهادتها لتبرئة الفنانة وفاء مكي في قضية تعذيب الخادمتين. وقالت الببلاوي، خلال حلقة اليوم ببرنامج «العرافة»، المذاع على قناتي المحور والنهار: «لم أكتم الشهادة لمدة 23 سنة، مكتمتش حاجة خالص، في فرق بين إني أكتم وإني أكون مش فاهمة». وأضافت: «مكنتش كبيرة بشكل كافي، ومكنش في إيدي أي حاجة، ولا كنت ملك نفسي ولا كنت موجودة في مصر ولا كنت أقدر أوصلها وكان في تضارب في الأقوال مكنتش فاهماها، وساعتها كنت فاهمة غلط إنها بريئة، ولكن فوجئت برد الفعل بقت عاملة زي الفار اللي لقى حتة جبنة رومي». وأكدت أن وفاء مكي لم تكن بريئة في قضية تعذيب الخادمتين، موضحة: «ملهاش أي علاقة بالبراءة». وعقبت بسمة وهبة: «هند عاكف أقسمت بالله إنك كلمتيها وكنتي بتبكي بحرقة، وقلتِ لها إن عندك دليل على برائتها». لترد الببلاوي: «أنا معيطتش مع هند عاكف، لكن وفاء مكي قالت إنها مش لاقية تأكل ابنها وبتستغيث عشان مش لاقية تاكل، فقلت يا جماعة سيبوها في حالها». وتابعت: «في واحدة جابت لي شغالتين، وكنت نازلة بسرعة رايحة فرح، وكنت محتاجة لهم جدا عشان ابني كان رضيع، ولقيت واحدة منهم ميتانة على نفسها والتانية واقفة متضايقة، طلبت إني آخد واحدة بس، فاشترطت الست عليّ إنهم يكونوا مع بعض، والتانية هرشت في شعرها عشان توضح لي إنه محلوق ولما سألت الست قالت لي إن وفاء مكي قالت إن عندها قراع وحلقت لها شعرها فرفضت الاستعانة بخدماتها.. وبالتالي فين دليل براءة وفاء مكي؟!». الطب الشرعي أدان وفاء مكي وأشارت إلى أنّ وفاء مكي كانت تحرق وتحلق شعر خادمتها في القضية التي أثيرت قبل 23 عاما، لافتة إلى أن «الطب الشرعي أثبت أن الخادمة لم تكن مصابة بأي مرض جلدي، وبالتالي فإن شعرها تم حلقه واتحرقت في شعرها». وأضافت أن الطب الشرعي كان صريحا والشهود أثبتوا أنها مدانة، معقبة: «طلبت أروح أشهد في القضية وكلمت المحامي بتاعي، لكن مكنش ينفع أروح لوحدي عشان ابني كان لسه على إيدي». رسالة تهديد وتابعت: «لم أخاف من رسالة التهديد لإخفاء شهادتي، جوزي هو اللي بعتها، كانت لعبة عشان مكنش عايزنى أروح أفتح علينا فتحات، وبعد ما رجعنا من سوريا قالي بطلي عبط أنا اللي مهددك، وسألت المحامي بتاعي وسألت فارس حماد عشان أروح أشهد قالوا لي كلامك لا هيقدم ولا هيأخر، لأن كان في ناس معاها في اللوكيشن وكانوا نجوم كبار ومتاخدش بكلامها».
