بيومي فؤاد يكشف سر مشاركته في «الكبير أوي 8» فقط: «فيه ناس زعلانة مني»

كشف الفنان بيومي فؤاد سبب عدم مشاركته في أي أعمال درامية خلال شهر رمضان 2024 سوى مسلسل «الكبير أوي 8» بطولة الفنان أحمد مكي، مشيرا إلى أن العمل له فضل كبير عليه ولذلك لم يستطيع الرفض.
وقال بيومي فؤاد، خلال حواره ببرنامج «حبر سري»، مع أسما إبراهيم، على قناة القاهرة والناس: «مشتركتش غير في الكبير أوي لأني ماضي حصري وترشحت في 6 أعمال ومقدرش أقولهم عشان تبقى قلة أدب ولما اقول اسم الأعمال ممكن الممثل (بديله) يزعل».
وتابع: «محصلش إن حد قابلني في الشارع وقالي مش بتضحكني ولو حصلت هقوله كفاية أنك بتحبني والحب نعمة من ربنا، وحصل إن مفيد فوزي قال إني ممثل متمكن ولكن مش بيضحك وده رأيه يحترم والقبول نعمة من ربنا».
وتابع: «أنا بقيت حريص قوي وبقيت أخاف أزعل حد ومضيت حصري للكبير أوي وفضّلته لأني أساسي فيه وتحت أمره وصاحب فضل عليا ومقدرش أتراجع عن الكبير قوي واخترت ماكنش موجود كتير عشان في ناس زعلانة وأنا بتحدى بالكبير الموسم ده وتعبنا فيه جدا ويقال إنه هيبق مسك الختام».
اقرأ أيضا:
بيومي فؤاد يكشف لأول مرة أسباب أزمته الأخيرة التي حدثت بسبب موسم الرياض (تفاصيل)