اشتعلت ملابسها فجأة أثناء تصوير «المداح 4».. مي سليم تكشف كواليس غريبة في المسلسل

كشفت الفنانة مي سليم والتي تجسد دور «كاسيا» في مسلسل المداح 4، عن بعض اللقطات المرعبة التي حدثت لها داخل موقع تصوير المسلسل، مشيرة إلى الأمور التي تخاف منها في حياتها.
كواليس مي سليم في «المداح 4»
وقالت مي سليم خلال لقاء لها ببرنامج «نجوم رمضان أقربلك»، الذي تقدمه الإعلامية إنجي على ويذاع عبر محطة راديو نجوم fm: «مرة روحت تصوير المداح وحصلي حاجة غريبة، أول ما روحت قولتلهم أنا بسمع أن عندكم عفاريت وشعوذة وحاجات كدا بجد ؟.. قالولي لا متخافيش دي حاجات بسيطة، وكنا بنصور مشهد أنا وفتحي عبدالوهاب والولد اللي بيشتغل معايا ماسك الحاجات بتاعتي والجاكيت، وفجأة الجاكيت ولع من غير سبب».
اشتعال ملابس مي سليم في «المداح»
وتابعت مي سليم : «الأوضة كان فيها شمع فبقوله أنت جيت جنب الشمع قالي لا يا أستاذة أنا واخده في حضني، بعدها خرجت للمخرج أحمد سمير فرج قولتله ايه دا ايه اللي بيحصل ده، وفي يوم تاني الكوافير اللي بيعملي شعري كان لسه هيعملي شعري والاستشوار فرقع، فبقيت كل ما اروح اللوكيشن بقرأ كل الآيات القرآنية اللي أنا ممكن أكون حفظاها وبشغل قرآن في الكرافان لأن فعلا في توتر».
مي سليم تكشف عن الأمور المخفية بحياتها
أما عن الأمور التي تخاف منها مي سليم في حياتها قالت: «بخاف أحتاج لحد، أو أبقى محتاجة ومحسش بالأمان، مبقاش متطمنة، أو بنتي في يوم من الأيام تحتاج لحاجة وأنا معرفش أحققها لها، يجي يوم من الأيام أضطر أني أقول لحد ساعدني عشان دا حصل مع فنانين كتير لما كبروا مكانوش عاملين حساب للزمن».
أبطال المداح 4
مسلسل «المداح- أسطورة العودة» بطولة حمادة هلال، فتحي عبدالوهاب، هبة مجدي، دنيا عبدالعزيز، خالد سرحان، محمد عز، حنان سليمان، تامر شلتوت، صبحي خليل، سهر الصايغ، مي سليم، دياب، حمزة العيلي. تأليف أمين جمال، وليد أبوالمجد، شريف يسري، ويعرض الساعة 8 مساء على قناة mbc مصر.
مواعيد عرض المداح 4
يُعرض المداح 4 أسطورة العودة يوميًا في رمضان 2024 على قناة MBC مصر الساعة 8 مساءً بتوقيت القاهرة والساعة 9 مساءً بتوقيت مكة .
-يُعاد عرض الحلقة على قناة MBC مصر 2 في نفس اليوم الساعة 11 مساءً بتوقيت القاهرة.
اقرأ أيضًا:
طلاق حمادة هلال وهبة مجدي في «المداح أسطورة العودة»
مي سليم: لم أتردد في قبول أدوار الشر بمسلسلي «المداح» و«سر إلهي»