«بقبض 10 الآف جنيه فى الشهر».. اعترافات المذيعة إنجي حمادة فى اتهامها بنشر الفجور

كشفت تحقيقات النيابة العامة مع المذيعة المغمورة إنجى حمادة المتهمة بنشر فيديوهات مُخلة تحرض على الفسق والفجور تفاصيل مثيرة، وذلك في المحضر رقم 17401 لسنة 2023 جنح التجمع الأول.
وجاء في من ضمن اعترافات المذيعة المغمورة «إنجى حمادة» خلال التحقيقات التي أجريت معاها:.
س: ما الذي حدث إذا في ظروف ضبطك واحضارك وعرضك علينا؟
ج: «اللي حصل إني كنت في شقتي بمدينتي وكنت بصور لايف على»التيك توك«بعدين لقيت الباب بيخبط بصيت من الكاميرات عندي، لقيت حد واقف على الباب فروحت على الباب وسألت انت مين قالي إن هو مباحث، وسألته عايزين ايه مني فرد عليا عايزينك تيجي معانا، فانا فهمت أن هو بسبب موضوع الفيديو اللي اتنشر على اليتك توك وكنت ظاهرة فيه بسبب الفيديو عمل ضجة وناس كتير اتكلمت عليه فانا جالي حالة هيستيرية جريت على المطبخ عورت نفسي بالسكين لكن رجال المباحث كسروا الباب ودخلوا وبعدها ودوني مركز طبي في مدينتي بعدها رحت الادارة هناك واحدة فتشتني وملقتش معايا حاجة دا كل اللي حصل».
س: من كان برفقتك آنذاك؟
ج: كان معايا مايا الشغالة اللي بتشتغل عندي في البيت
س: ما الذي أسفر عنه ذلك التفتيش؟
ج: أخدوا موبيلات بتاعتي واخدوا الرينج لايت بتاع التصوير
س: ما هو الدافع من نشر ذلك المقطع عبر تطبيق التواصل الاجتماعي؟
ج: انا كان عاجبني إلا فيه علشان كده نشرته
س: وهل من الطبيعي نشر مقطع عبر وسائل التواصل الاجتماعي تحتوي هلى تلك الالفاظ بيانها؟
ج: انا نزلته كان عاجبني اللي فيه الأولاني ومهمنيش الكلمة الأخيرة
تحقيقات مع المذيعة المغمورة إنجى حمادة
س: ما هي صلتك بالمضبوطات المعروضة عليكي الان؟
ج: الموبيلات بتاعتي وكمان الاستاند بتاع التصوير بتاعي والفيديوهات اللي اتعرضت عليا انا كنت ظاهر فيها لكن الأقراص معرفش عنها حاجة
س: ملك من تلك الاقراص المخدرة؟
ج: معرفش
س: ما هو المقابل الذي تتقاضيه نظير عرضك مقاطع فيديو عبر تطبيق التواصل الاجتماعي التيك توك؟
ج: ممكن في شهر من 6 إلى 10 الآف جنيه مصري من الجولات اللي بدخل فيها من على «التيك توك»
س: ما هو عدد مشاهدات ذلك المقطع سالف البيان؟
ج: حوالي 1300 شخص
س: ما هو المحتوي الذي تقومي بتقديمه عبر موقع التواصل الاجتماعي التيك توك؟
أنا بعمل كذا محتوي، منه حلقات يعرض فيها مشاكل ناس وفيه محتوي تاني اللي هو مقدمها بصورها سواء لوحدي أو مع حد بتبقي أغاني محتوي ترفيهي
س: وهل يتناسب ذلك المحتوى مع قيم وسلوكيات المجتمع المصري؟
ج: هو المحتوي اللي طلع واتنشر في الفترة الأخيرة فعلا مكنش مناسب ومينفعش يتنشر، بس مش حسابي، «كروان مشاكل» هو اللي نشره زي ما قولت إني مكنتش أعرف إن هو هينشره.