«فريق دمه تقيل ومزعج جدًا».. شوبير عن مباراة الأهلي وصن داونز

علق الإعلامي أحمد شوبير حارس مرمى الأهلي ومنتخب مصر السابق على المباراة المرتقبة بين الأهلي وصن داونز اليوم الأحد ضمن منافسات ذهاب المربع الذهبي من بطولة دوري السوبر الأفريقي.
وقال أحمد شوبير في تصريحات إذاعية: «كولر في المؤتمر الصحفي قال معنديش وقت أمرن اللاعبين على موضوع ضياع الفرص وقال كمان إن أحنا اتعملنا من السنة اللي فاتت الدرس مع فريق صن داونز».
اقرأ أيضًا: مباراة الأهلى ضد صن داونز في دورى السوبر الأفريقى.. الموعد والقنوات الناقلة
وأوضح شوبير: «الحقيقة مباراة صن داونز مباراة دمها ثقيل ذهابا وإيابا والأهلي بقاله 5 مباريات مش عارف يكسبهم، بتمنى الأمور تمشي بشكل كويس والأمور ما يبقاش فيها مخاطرة لو حصلت نتيجة صعبة هناك ممكن منعرفش نعوض هنا وحتى لو خسارة صغيرة بهدف ولا حاجة هيبقى دمها ثقيل».
وتابع نجم الأهلي السابق: «صن داونز عنده حارس من الأفضل في أفريقيا وليامز ده وأعتقد هيخرج يحترف مش هيقعد معاهم بعد الموسم ده، وهو حارس بيلعب برجله كويس وده بيفضلوه في أوروبا المشكلة إن عنده 31 سنة وده اللي مخلي احترافه مش سهل».
وأضاف شوبير: «صن داونز فريق دمه ثقيل بيحضّر بشكل كويس جدا بيبدأ الكرة من تحت فريق بصراحة هيزعج النادي الأهلي، ومباراة النهاردة ممكن تكون من أقل المباريات اللي فيها استحواذ للنادي الأهلي، وممكن كولر يلعب بثلاثة ارتكاز في وسط الملعب والمباراة دي محتاجة شغل فني وتكتيكي عالي».