تجديد حبس المتهمين بقتل عاطل بعين شمس

قرر قاضي المعارضات بمحكمة شمال القاهرة، اليوم، تجديد حبس المتهمين بقتل عاطل ابتز احدهما بنشر صور صديقتهما 45يوما على ذمة التحقيقات بعين شمس
اعترف المتهم الرئيسي «مصطفى م ت» في واقعة مقتل عاطل عين شمس بجريمته تفصيليا أمام نيابة شرق القاهرة الكلية، حيث قرر بأن جريمته بسبب قيام صديقه بسرقة صور خطيبته من هاتفه ومحادثتها وتهديدها.
وقال المتهم في إعترافاته أمام النيابة، «اللي حصل أن أنا كنت خاطب واحدة أسمها «شيرين» وفضلت خاطبها 3 سنين وبعدين فسخنا الخطوبة واتعرفت على واحدة تانية من الشرقية وكنا بنتكلم على انستجرام وكانت بتبعتلي صور ليها وهي عارية أو بالملابس الداخلية، وساعتها كان في واحد صاحبي اسمه «أحمد رأفت» وكان بيمسك موبايلي كتير لحد ما أخد الصور بتاعتها من موبايلي».
وتابع المتهم في إعترافه خلال التحقيقات: «دخل عمل إيميل باسمي وكلمها على أنه هو أنا وقالها أن الايميلات التانية بتاعتي اتقفلت وطلب منها تعمل بلوك وفعلا عملتلي بلوك وبعدين اتصلت بيا على رقمي وقالتلي اللي حصل قولتلها مفيش الكلام ده، ده صاحبي «رأفت» اللي عمل كدة عشان يكلمك قالتلي ده هو بيقول أن انت معاك فيديوهات ليا وصور وهو خدها منك قولتلها ده كداب وسيبك منه واعمليله بلوك وفعلا عملت له بلوك».
وأضاف المتهم خلال تحقيقات النيابة: «راح عامل ايميل على التيك توك وحط صورتها عليه ودخل قالها كلميني هنا بدل ما انزلك الفيديوهات اللي معايا كلها فهي كلمته من غير ما تعرفني ولقيتها اتغيرت معايا في الكلام وبدأت تبعد عني فانا حسيت أن «رأفت» عامل حوار عليا ولما كلمت واحد تاني أسمه «أحمد محمود» قالي الموضوع عندي وخلاص اقفله، بدل ما اضربك في دماغك بخنجر ومحدش يعرفلك طريق».
واستطرد المتهم قائلا: «روحت كلمت «رأفت» يوم الواقعة قالي الموضوع عند «أحمد محمود» وقالي هنبقى نقعد نحل الموضوع، ونزلت من عنده حسيت انه مستهتر بيا وخوفت انه يسيب الشقة ومعرفش اجيبه تاني، وكلمت اخويا «تهامي» وقولتله تعالى معايا انا في مشكلة مع «أحمد محمود» وهروح اقعد معاه عشان نحلها وخدته وخدت الخرطوش بتاعي والطلقات وروحت عشان اتكلم معاه وأول ما فتح الباب وعيني جت في عينه روحت مطلع الفرد وضارب عليه طلقة وطلعت اجري انا و«تهامي» وروحنا قعدنا في شقة الخصوص عند واحد قريبنا وبعدها اتقبض علينا.