رباب ممتاز عن خلافها مع محمد السبكي: «مردش عليا وسيبت الفيلم ومشيت»

تحدثت الفنانة رباب ممتاز، عن عدم رد المنتج محمد السبكي عليها بسبب واقعة الملابس المكشوفة خلال العمل الذي جمعهم معًا.
وعلقت رباب ممتاز على عدم رد المنتج محمد السبكي عليها بعد آخر تصريحات تلفزيونية ،معلقة: «هو مردش علشان هي دي الحقيقة وكانت بوجود الناس كلها مثل الإخراج والإنتاج، ومن بينهم أستاذ سامح عبدالعزيز، موجود وشاهد وأنا لسه مخلصه معاه فيلم كتف قانوني، وكنت عامله معاه شغل قبل كده والإنتاج كان موجود وباسم سمره، أيضًا كلهم موجودين وكانوا وقت الحدث».
وتابعت «رباب»: «في ناس طالعه بتقول أي اللي هو كان عايزني أخلعه في هدومي هو كان اللبس اللي أنا لبساه مقفول للشخصية والمفروض الشخصية أصًلا مش بتخلع هدومها ولا بتفتح أي حاجه من لبسها يعني شخصية «سماح» دي الوحيدة اللي كانت في الفليم مش بتتعرى».
View this post on Instagram
A post shared by Hya TV- قناة هي (@hyatveg)
وأردفت :«بمعني أوضح إحنا إختلفنا بطريقته اللي هو معروف بيها دائمًا وكان في فجاجه في الأسلوب وطريقه الحوار مش لذيذة وهو مردش علشان دي حقيقه، وأنا مشيت فعلًا وسيبت الفيلم».
رباب ممتاز تكشف تفاصيل واقعة «الملابس المكشوفة» مع السبكي: «عادي بلبس ولكن» (فيديو)
كشفت الفنانة رباب ممتاز عن سبب خلافها مع المنتج محمد السبكي في فيلم «حلاوة روح»، بسبب رفضها ارتداء ملابس «مكشوفة».
وقالت «ممتاز» خلال حوارها ببرنامج «بنت البلد» عبر قناة TeN، اليوم، الثلاثاء، إنها تعرضت للاتهام بمحاولة ركوب الترند بعد تصريحاتها ضد السبكي، مؤكدة أنها شخصية بعيد تمامًا عن فكرة «الترند».
وأضافت: «أنا لو عايزة أعمل ترند، عندي حاجات كتيرة أوي، أنا متكسفتش من اللي قولته، لأن ده حصل بالفعل، والمخرج سامح عبدالعزيز شاهد».
وأوضحت سبب رفضها ارتداء الملابس المكشوفة قائلة: «طلب مني ألبس لبس مفتوح، وإحنا متفقين على لبس محدد من شهر، أنا معنديش مشكلة في اللبس، لكن اللبس كان غير مناسب للشخصية».
وتابعت «ممتاز»: «طب إيه بتحطني قدام الأمر الواقع، خلاص مش هشتغل، ومشيت، أنا عادي بلبس لبس زي ده وقدمته في أعمال تانية زي مسلسل ذات، لكن الشخصية هنا متنفعش تلبس لبس مفتوح»، مشيرة إلى أنه لا يوجد لديها أي مشكلة مع السبكي.
خلاف رباب ممتاز ومحمد السبكي بسبب الملابس الكاشفة
وقالت رباب ممتاز خلال لقاء تلفزيوني عن كواليس تصوير فيلم «حلاوة روح» إنتاج 2014 والذي تركته بسبب هذا الموقف: «وأنا بلبس في اللوكيشن، وكنا متفقين على اللبس وبقالنا شهر بنحضر للمشاهد، دخل المنتج محمد السبكي قال ألفاظ مش كويسة، وقال إيه ده دي لابسة كده ليه؟ دي تقلع هدومها، كل فريق العمل كان موجود، قال تفتح هدومها، عاوز هدوم مفتوحة».