جمال العدل يوضح حقيقة خلافه مع نيللي كريم (فيديو)

تحدث المنتج جمال العدل، عن الشائعات المتداولة حول خلافه مع الفنانة نيللي كريم بسبب فيلم «ع الزيرو» بطولة الفنان محمد رمضان، والذي عرض في موسم صيف 2023.
وقال جمال العدل خلال لقائه مع ET بالعربي: «نيللي كريم لم تصرح بشيء يقول إنها زعلانة مننا في أي حاجه، معلوماتي انها غابت عن العروض الخاصة لفيلم ع الزيرو بسبب السفر، أما علاقتي بيها كويسة، لكن مفيش تواصل حاليا بسبب سفرها.
أضاف: «أنا متفق مع نيللي من قبل رمضان اللى فات ده وقبل عرض مسلسل عملة نادرة، اننا مش هنشتغل مسلسلات رمضان تاني مع بعض».
وتابع «العدل»: «لو زي ما بيتقال أن نيللي زعلانة عشان بوستر الفيلم، طب ما هي في بوستر فيلم »ڤوي ڤوي ڤوي« مع محمد فراج، ظاهرة وراه زيها زي ممثل شاب صغير».
ماندو العدل يكشف حقيقة خلافات نيللي كريم وصناع فيلم «ع الزيرو»
كان المخرج ماندو العدل كشف حقيقة الشائعات التي انتشرت مؤخرا، حول وجود خلاف بين الفنانة نيللي كريم وصناع فيلم «ع الزيرو» بطولة الفنان محمد رمضان.
وأوضح ماندو العدل، خلال لقائه ببرنامج «الراديو بيضحك»، مع الإعلامية فاطمة مصطفى: «اللي أعرفه إن نيللي صورت الفيلم وهي حاباه ومبسوطة جدا بالدور، وخلصت آخر يوم تصوير وهي بتشكرنا على الفيلم.. المعلومة اللي عندي بحكم علاقتي بنيللي إنها مسافرة».
وأضاف: «ونيللى قررت تاخد الأجازة لإنها لم تحصل على إجازة من فترة طويلة جدا، كانت بتعمل مسلسل رمضان ومسلسلات قصيرة بعدها».
تابع: «وماسمعتش إنها زعلانة، أو في اتفاق على شكلها في البوستر لم يتم تنفيذه، ونيللي والعدل جروب قصة عمل عمرها سنين، وهي نجمة كبيرة.. ولو في اتفاق على أي حاجة في البوستر أكيد هيتم تنفيذها، وأي حد يتمنى يشتغل معاها، وهي إضافة كبيرة لأي فيلم تنضم له».
أقرأ أيضا:
جمال العدل يكشف سبب غياب نيللي كريم عن العرض الخاص لفيلم «ع الزيرو»