«مش المفروض أقول سني».. موقف طريف لسارة عبد الرحمن في صاحبة السعادة (فيديو)

تعرضت الفنانة سارة عبدالرحمن، لموقف طريف في برنامج صاحبة السعادة، حيث ذكرت سنها ثم سرعان ما تأسفت عن هذا الأمر.
وأضافت في لقاءها مع الإعلامية والفنانة إسعاد يونس في برنامج صاحبة السعادة : «اتولدت سنة 1988» ثم سرعان ما قالت : «مش المفروض أقول سني، والفنانة الراحلة دلال عبدالعزيز قالت لي أوعي تقولي سنك».
وعلقت الإعلامية والفنانة إسعاد يونس على هذا الأمر قائلًا:«العمر بتاعك عشتيه والناس عاشته معاكي، هتخبي ليه؟ ورأيي لما بنقول سننا بنبقى بنشكر ربنا على أنه أدانا العمر ده وأدانا عمر للوقت ده، فده حمد وشكر، مش أنه يبقى عندي 60، 70 سنة وأقول عندي 45».
واستطردت إسعاد يونس: «السوشيال ميديا دلوقتي بتجيب الفنان، وهو عنده 60، 70 سنة، فهنتشاف هنتشاف».
وتحدثت سارة عبدالرحمن عن معايشتها لفترة التسعينات قائلة:«أنا حضرت التسعينات وأنا طفلة، وكنا بنسمع حاجات برضه وبابا وماما كانوا بيحبوا المزيكا، فقادرة إني ارتبط نوعًا ما بالحقبة الزمنية دي».