رضوى الشربيني: كنت مرعوبة وخايفة من كرسي المذيع.. وشريف مدكور دعمني

أكد الاعلامي شريف مدكور انه تجمعه صداقة قوية بالفنان مراد مكرم.
وأضاف، في مداخلة تليفونية مع الإعلامية رضوى الشربيني ببرنامج «هي وبس»، عى شاشة «cbc سفرة»، إن الجلوس مع مراد وعائلته وهما بياكلوا تفتح النفس جدا، والدة زوجته أكلها طعمه يهبل، ورشا الأكل بتعمله حلو أوي، ومراد وهو بيأكل وقعدته والأجواء اللي بيعملها اللذيذة تفتح نفسك.. ودي حاجة من عند ربنا«.
فيما قالت رضوى الشربيني، إنها ترغب في تقديم الشكر لشريف مدكور بسبب دعمه لها في بداية مسيرتها المهنية، قائلة إنها «أول ما دخلت CBC سفرة كنت مرعوبة وخايفة من التقديم على الهواء»، مبينة أنه لم يكن هناك أي شخص يعرفها، ولكن شريف مدكور مد لها يده وقام بإستضافتها في برنامجه بشكل راقي.
وأضافت: «عمل حلقة حلوة جدا ليا.. وسألني على كل الحاجات اللي كان نفسي اتكلم عليها، رغم أننا مش متفقين.. وكم من الدعم والحب ولا نفسنه ولا قلب أسود ولا خوف».
ليرد «مدكور» بأنها تستحق كل خير، مضيفا: «إحنا أخوات وزملاء أنا بعزك جدا على المستوى الشخصي والإنساني، أنتي تستاهلي كل الخير وأنتي عاملة حالة حلوة، كون الناس تبقى معاكي أو تختلف معاكي.. ولكن رضوى الشربيني عملت مدرسة في شكل كرامة المرأة، حتى لو في ناس بتنتقدك أو معاكي.. بس ليكي الحتة بتاعتك اللي صعب حد يخترقها أو يقلدها، ولو حد قلدك يبقى ماسخ»، وهو ما أكد عليه مراد مكرم أيضا.
اختتم حديثه: «كل واحد فينا له الجزء بتاعه، لو حد طلع عمل برنامج زي الأكيل، كله هيقول بيقلد مراد، لو حد طلع عمل برامج دايما مع الستات هيقولوا بيقلد رضوى، ولو حد عمل برامج ليها علاقة بالأسرة هيقولوا بيقلد شريف.. فنعمة وفضل أن كل واحد فينا عنده الجزئية بتاعته».