بالفيديو.. إمام الحسين: علموا أبناءكم قيمة النعمة ولا ترفهوهم بزيادة

حذر الشيخ أحمد مكي، إمام مسجد الإمام الحسين، من الرفاهية الزائدة للأبناء دون تعليمهم قيمة النعمة التي يعيشون فيها، مطالبا الآباء بضرورة تعليم الأبناء «التخشن»، أي جعلهم يعيشون ولو تكليفا في درجات أقل من الرفاهية التي هم فيها، حتى يعرف كل منهم قيمة النعمة.
وتابع مكي، خلال حواره مع الإعلامية سالي سالم، ببرنامج «البيت»، المذاع على فضائية «الناس»، اليوم الأحد: «سيدنا النبي قال لنا (اخشوشنو فان النعمة لا تدوم)، عشان كده لازم الأم تعمل أكل متواضع ويعلنوا رضاهم عنه، ممكن يأخد أولاده ويعرفهم قيمة السكن اللى هم فيه ويخليهم يشوفوا ناس أقل منهم، ولا يجعلهم يبصوا لغيرهم لأ لازم يبصوا للأقل منهم عشان يحمدوا ربنا على النعمة اللى هم فيها».
واستكمل: «لازم في أمور الدنيا نبص للى أقل مننا عشان نحمد ربنا، ولازم نبص للأعلى مننا في الآخرة».