«عامل فيها زملكاوي» .. مرتضى منصور يهاجم حازم إمام

هاجم مرتضى منصور رئيس نادي الزمالك، حازم إمام نجم الزمالك الأسبق، وعضو مجلس إدارة الاتحاد المصري لكرة القدم الحالي، وذلك بعد قرار لجنة التظلمات بتعليق عقوبة محمود عبدالمنعم «كهربا»، مهاجم الأهلي، لحين الفصل في دعوى النادي الأهلي ببطلان قرار تشكيل لجنة النضباط.
وقال مرتضى منصور في فيديو نشره عبر «يوتيوب»: «الزمالك اعتذر عن المشاركة، في السوبر، لأن الموضوع زاد عن حده، اتحاد الكرة دخل في معركة مع الزمالك من البداية، الموضوع ليس كهربا فقط، ولكن البداية كانت بوقف قيد 3 لاعبين بدون وجه حق وأنا رايح اتحاد الكرة اتحايل عليهم وهما بعنجهية بيرفضوا، أنت معين مش منتخب عشان تعمل معانا كده وتحرمنا من 3 لاعبين مؤثرين في أفريقيا».
وأضاف: «حازم إمام عامل نفسه زملكاوي، وجمال علام عامل نفسه زملكاوي، ومحمد بركات عامل نفسه زملكاوي، مفيش حد فيهم بيقف مع الزمالك.. اتحاد الكرة هو اللي بوظ مباراة السوبر بالمحاباة للنادي الأهلي».
وواصل: «يا حازم يا إمام، بتقول مالكش دعوة بعقوبة كهربا، طيب ليه لم يصدر أي بيان من اتحاد الكرة، على تصريحات أحد الصحفيين بأن جمال علام، تواصل مع محمود الخطيب، وقال له (متشغلش بالك بعقوبة كهربا، احنا مش هنفذها إلا بعد السوبر)، انتوا ليه بتستفزوا جمهور الزمالك وتستفزونا كأعضائ مجلس إدارة؟».