ريهام حجاج تنعى مصطفى درويش: «استكتروا عليه رزقه اللي ربنا كان بعتهوله»

نعت الفنانة ريهام حجاج رحيل الفنان مصطفى درويش، التي وافته المنية صباح اليوم أثر أزمة قلبية مفاجأة، وكتبت على حسابها الخاص على موقع التواصل الإجتماعي فيسبوك: «مصطفي درويش من أكتر الناس إللي اتحاربت وياما اتكتب عليه واتقال كلام كتير يهدم أي حد، مصطفي درويش كتير استكتروا عليه رزقه إللي ربنا كان باعتهوله وكعادة بعض الناس إللي شايفين إنهم لازم يقرروا مين يستحق الرزق ومين لاء شايلين من دماغهم إن ربنا بس اللي بيرزق».
ريهام حجاج: مصطفى درويش كان متضايق من الناس اللي استكترت عليه الرزق
وأضافت ريهام حجاج في رثاء مصطفى درويش: «مصطفي اتكلم معايا في الموضوع دا لما قابلته مرة بعد دوره في بميت وش وكان حقيقي متأثر، يا ريت تفهموا إن ربنا دايما ليه حكمة في كل حاجة وأهو مصطفي ربنا أفتكره وهو لسة صغير، يا ريت تبطلوا تجرحوا في الناس وهما وانتم لسه عايشين، عشان مش حاتقدر تتحمل وقفتك أدام إللي حرجته وهو مختصمك أدام ربنا، مافيش حاجة في الدنيا مستاهلة».
حجاج: ربنا له حكمه في وفاة مصطفى في سن سغير
وكان الفنان أشرف زكي، نقيب المهن التمثيلية، أعلن نبأ وفات مصطفى درويش، وكذلك شقيق الراحل والذي أكد تشييع جثمانه بعد صلاة العصر من مسجد الشرطة في الشيخ زايد.
من المقرر اقامة عزاء مصطفى درويش بمسجد الشرطة بالشيخ زايد، بعد صلاة المغرب غدًا الثلاثاء، حسبما أعلن شقيقة هاني درويش.