محمد رجب : كريم عبد العزيز عشرة عمري وعمل موقف لا أنساه في فيلم الباشا تلميذ

وأشار محمد رجب، خلال حواره ببرنامج «حبر سري»، مع الإعلامية أسما إبراهيم، على قناة القاهرة والناس، إلى أنه أخذ قرار في فترة خلال بداياته بعدم تقديم دور الشرير، وقال: «أخذت قرار في فترة معملش أدوار فيها شر لأن كان كل الأدوار اللي بتجي لى كده».
وذكر محمد رجب، موقف للنجم كريم عبدالعزيز سانده فيه، قائلا: «جالي كريم عبدالعزيز حبيبي وعشرة عمر وجالي نفس التجربة بتاعت الشرير معاه في فيلم الباشا تلميذ وقلت مش قادر استحمل ردة فعل الناس فوقف جنبي في مشهد واحد أني اتصالح مع النجم في نهاية الفيلم وكان موقف لا أنساه له وجه في الآخر».
وتابع: «عملت المشهد الأخير وبحضر عرض الفيلم لحد ما جاء الموقف لقيت الناس مسقفة وهنا كان في بريق الامل أن الناس تتقبلني في أي حاجة تانية وتعبت فترة لان مكنش بيجيلى شغل لحد ما جاء لي دور مع النجمة يسرا وامنت بموهبتي ودعمتني».
محمد رجب: «كنت مريضا نفسيا بالنظام واتعالجت.. ومش بكره الستات»
وكان الفنان محمد رجب، علق على حقيقة ذهابه لطبيب نفسي لمعاناته من مرض نفسي، قائلا: «كلنا تعبانين نفسيا والحياة فيها حاجات كتير يخليك في تناقض وغيره، وفكرة أنك كويس علطول مش هتوصل لحاجة وعندي مشاكل كتير وكنت منظم لأبعد حدود».
وأضاف الفنان محمد رجب، خلال حواره ببرنامج «حبر سري»، مع الاعلامية اسما ابراهيم، على قناة القاهرة والناس، أنه عكس عاداته المنظمة وأصبح مهمل لأبعد الحدود حتى يوازن بين الطبعين، متابعا: «عكست النظام بالإهمال ووصلت لمرحلة المرض وأنا اللي عالجت نفسي وعملت العكس لحد ما تقبلت الوسط».
وأشار الفنان محمد رجب، إلى أنه لا يكره الستات كما يشاع عنه، وعلق قائلا: «مش بكره الستات ولا أرفض أخد منهم اوامر وبحب الستات بداية من احترامي لأمي ومين غبي يكره الستات وكل الحكاية أن أول تعيين ليا كنت عرفت أن مديرتي ست فرفضت التعيين وحسيت أن مستقبليا ممكن يحصل حاجة تعمل مشاحنات ومشاكل وشخصيتي وقتها يمكن مكنش عندي استعداد وقتها، وكانت اول تجربة في الحياة العملية وكنت مش مستعد اخد اوردر من ست والعقدة دي اتحلت».