«بتفرج على الحلقة مرتين».. تامر حبيب يشيد بمسلسل «الهرشة السابعة»

أشاد الكاتب والسيناريست تامر حبيب بمستوى مسلسل الهرشة السابعة الذي يعرض في موسم مسلسلات رمضان 2023.
وكتب عبر صفحته منشورًا عبر فيه عن إعجابه بالمسلسل قائلًا :«بصراحة انتوا ناويينها وقاصدينها من أول الأفيش، أنا شديد الاعجاب والاستمتاع وبأتفرج بجد على الحلقة مرتين في اليوم أنتم أثبتتوا أن مفيش حاجة اسمها الظروف، ولا الوقت، ولا انه انك تعمل حالة وتحكي حدوتة وتوصل مشاعر زي دي هي حاجة مستحيلة».
وتابع:«اثبتتوا أن التأثير اللي بيحصلك من فيلم والشحنة اللي بتتشحنها ممكن تحصلك من مسلسل، وتفضل مستني الحلقة الجديدة بفارغ الصبر مع أن مافيش لا جريمة قتل ولا مطاردات ولا تشويق ولا مجرم فاكرينه موسي ويطلع فرعون».
وأردف:«اثبتتوا أن الصمت ممكن يبقاله تأثير اكتر من الكلام، اثبتتوا انكم ومن غير تقليد ولا قصدية وتخلوني استمتع قدام الحلقة نفس المتعة اللي بأحسها وانا بأتفرج على فيلم اوروپي اجتماعي جرئ ودايس على الجرح وبيشرح بمشرط دانتيل، نيجي بقي للفخر والفشخرة، أنا شديد الفخر وطاير من السعادة تقريبًا بكل الناس اللي هرشوا دماغي ومشاعري الهرشة دي، أصل تيتر المسلسل ده مكتوب عليه كمية اسامي بجد بجد بجد هما اخواتي وأولادي وأجدع وأحلي صحابي، بجد بجد بجد، كلكم عمري ما شفتكم بالحلاوة دي قبل كده».
واستطرد:«و أقر واعترف اني وبكل حب وفخر غيران من جمالكم ما شاء الله، غيران احلي غيرة بيحس بيها الفنان لما بتصيبه، اللي انتوا عاملينه ده صعب قوي وحلو قوي قوي ويشرف قوي قوي قوي، يا بتوع الحاسة السابعة، ألف مبروك على هذا الابداع، وألف شكر على كل هذا الاستمتاع».