نهى العمروسي تكشف تفاصيل جديدة عن أزمة ابنتها: «اتهددت بالقتل.. وعملت ميديتيشن علشان تخرج من السجن»

كشفت الفنانة نهى العمروسي تفاصيل جديدة في أزمة ابنتها (نازلي) في القضية المعروفة إعلاميًا بقضية الفيرمونت.
وقالت «العمروسي» خلال حوارها في برنامج VIP المعروض عبر شاشة قناة «هي»، مساء الإثنين، إن ابنتها تزوجت سرًا دون علمها، مشيرًا إلى أنها كانت رافضة هذا الزواج نتيجة عدم ارتياحها لهذا الشخص.
وأضافت: «أنا حسيت إن بنتي كانت خايفة، وإنها وقعت في حفرة، وسألتها ومرضيتش تقولي إيه اللي حصل، بنتي تعرضت للتهديد بالموت من قبل زوجها لو ماتنزلتش».
وتابعت: «بنتي تحررت من الخوف بعد القبض عليها، لأنها تحررت منه ومن التهديدات، الموضوع كان صدمة كبيرة بالنسبة لي، ربنا ما يحكمها على حد».
وأكملت «العمروسي»: «بعد الواقعة حسيت إني كان ممكن أبقى أم أحسن من كده بكتير، كنت هتكلم معاها أكتر، هقرب منها أكتر، كنت هعمل حاجات كتيرة أوي، حاسة إني معرفتش أحميها، كنت هعمل أي حاجة، كان ممكن أمنعها ولو القوة من أي حد أنا حاسه إنه وحش وهيأذيها».
وأوضحت: «عملت (ميديتيشن) تأمل علشان بنتي تخرج من السجن، كنت بعمل كل يوم الحكاية دي، كنت بتخيل إن النائب العام هيفرج عنها، والحمد لله ده حصل، وكنت بصلي وأدعي ربنا».
اقرأ أيضًا:
*وفاة 300 طفل.. منظمة الصحة العالمية تحذر من 14 نوعًا من أدوية «الكحة» للأطفال
*يؤثر على الكُلى والشرايين.. خبير تغذية يحذر من أكل ممنوع في سحور رمضان
*محامي كهربا يكشف شرط مرتضى منصور الذي أفشل مفاوضات حل أزمة اللاعب