عمرو أديب يعلق على تصريح وزير الخارجية التركي: «أنا عارف مش محتاج تحلف»

تحدث الإعلامي عمرو أديب، عن زيارة وزير الخارجية التركي تشاووش أوغلو إلى مصر، اليوم السبت، في أول زيارة رسمية لمسؤول تركي رفيع المستوى إلى القاهرة منذ 10 سنوات.
وعلق «أديب» خلال برنامج «الحكاية» المعروض عبر قناة «إم بي سي مصر»، مساء السبت، عن تصريح أوغلو بأن «في أشد أوقات التوتر بين البلدين، كانت تركيا تضع مصلحة مصر قدامها»، قائلًا: «أنا عارف مش محتاج تحلف».
وأضاف مستنكرًا: «أنا عارف في العشر سنين اللي فاتوا تركيا كانت مهتمة جدًا بالمصلحة المصرية، كان هناك اهتمام وكانوا عايزين البلد تبقى عظيمة وتتقدم، أنا كنت موجود وشفت وانتم مهتمين بهذا الأمر».
وتابع «أديب»: «كل شيء يتغير، وهو ده اللي الناس لازم تفهمه، في السياسية مفيش حاجة ثابتة. إحنا نحب المصلحة طالما مش هتدخل في شؤوني الداخلية، ومش هتقف مع حد ضد مصلحتي».
اقرأ أيضًا:
*وفاة 300 طفل.. منظمة الصحة العالمية تحذر من 14 نوعًا من أدوية «الكحة» للأطفال
*«التموين» تعلن عن نبأ سار قبل شهر رمضان
*«ويزو» تفجر مفاجأة عن مقلب رامز جلال وتكشف المستور من داخل الكواليس (فيديو)
*ما مصير أجور القطاع الخاص بعد زيادة مرتبات الحكومة؟ نائب رئيس اتحاد عمال مصر يوضح
*هل هناك تعويم مُرتقب للجنيه؟.. رئيس الوزراء يحسم الجدل (فيديو)