منى فاروق تجرى جراحة في العين وتطلب الدعاء

أجرت الفنانة منى فاروق جراحة في العين، مشيرة إلى أنها لم تكن ترد على الاتصالا الفترة الماضية بسبب مرضها.
ونشرت منى فاروق صورة لها وهي بملابس العمليات، ووضعت ضمادة على عينها، وعلقت عليها قائلة: «الحمد لله على كل حال وشكرا لكل اللي سأل على.. آسفه لو مبردش على التليفون عشان عيني مبقتش كويسة ادعولى».
وكانت الفنانة منى فاروق قد تصدرت محركات البحث قبل أشهر بعد الهجوم عليها من قبل متابعين بسبب ظهورها بفستان صيفي جرئ.
وردت الفنانة منى فاروق على هذه الانتقادات من خلال منشور عبر خاصية استورى على حسابها الشخصى على إنستجرام قائلة: «انتوا مزعجين جدا بس أنا ولا فارق معايا كلامكم، أنا بعامل ربنا مش بعامل البشر، بجد حسبى الله ونعم الوكيل في كل الناس اللي بتكتب عني بالكذب، أنا في الأول والأخير بنت بتتكلموا في عرضي ليه؟ خافوا ربنا شوية.. ربنا موجود وهيعوضنى خير.. وأنا في حماية ربنا».
وكانت منى فاروق قد خرجت مؤخرا في فيديو عبر خاصية استوري على حسابها الشخصي على إنستجرام، هددت خلاله بمقاضاة من يخوضون في سيرتها بكلمات غير لائقة قائلة: «هاي صباح الخير.. أنا عايزة بس أقولكم على حاجة مهمة.. أي حد بينتقدني أو أي حد بيقول عني أي حاجة غير لائقة أنا هقاضيه، يالا بقا نعيش مع بعض شوية».
وأضافت: «إحنا في بلد بتحترم الناس، إحنا في مصر أم الدنيا، لازم يكون فيه احترام، واللي يكتب أبواب جهنم مفتوحالك.. مين إنت علشان تحكم عليا إني هدخل جهنم؟، خلاص هتجلدني يعني؟ حطيت نفسك مكان ربنا؟».
واختتمت حديثها: «الناس بتقول كانت بتطلع تعيط ودلوقتي عايشة حياتها.. إنت مالك برضو.. حياتي أنا حرة فيها.. أنا عندي اللي شغال على توك توك أحسن من الراجل اللي بيتكلم في عرض ست، هتروحوا فين من ربنا ياللي بتتكلموا في عرض ولية.. شوفولكم شغلانة تانية وسيبوا اللت والعجن ده للستات».