كاملة أبوذكري : «أتمني تقديم عمل عن الرجل المقهور كفاية أعمال عن الست المقهورة»

أقيمت في دار الأوبرا المصرية ندوة المخرجة كاملة أبوذكري، خلال فعاليات اليوم الرابع من مهرجان القاهرة السينمائى في دورته ال 44.
وقالت المخرجة كاملة أبوذكري التي قدمت العديد من الأعمال الفنية عن المراة وقضاياها: «أتمني اعمل أعمال كتير للرجالة، الراجل عايز يعيش حر، فيه كتمة نفس هل الرجل محتاج حرية بس بشكل تاني».
وتابعت: «أتمني تقديم عمل عن الرجل المقهور كفاية أعمال عن الست المقهورة».
وأضافت حول عدم انتظامها في تقديم أعمال كل عام :«أنا مبقدرش اشتغل كل سنة، لإني بنتي كانت طفلة، وأشتعل سنة واريح سنة عشان تربيتها، فالتصوير بيخليك تنسي نفسك ومتحبش تسمع صوت، كمان محبش اكون ماكينة بطلع ديكوباج احب اتفرج واتأمل فبدي لنفسي فرصة بين عمل وعمل».
كاملة أبوذكري: «عيني لمعت مع عاطف الطيب»
كشفت كاملة أبوذكري على أن عيناها لمعت مع عاطف الطيب أثناء تدريبها معه في فيلم «دماء على الأسفلت»
وأضافت في ندوتها في مهرجان القاهرة: اتدربت مع عاطف الطيب في «دماء على الأسفلت»ك، وكنت ألاقي نور يجسد مشهد فيقوم عاطف يقوله كلام في ودنه يتحول بعدها إلى ممثل آخر.
وتابعت :«كنت بقول عاطف الطيب ..انت بتقول نور الشريف ايه؟ قالي قولت له يصدق نفسه«.
واستكملت كاملة: «كانت أول مرة عيني تلمع وقلبي يلمع كمان واتعلمت كتير من إلى وراء الكاميرا».
وانطلقت فعاليات مهرجان القاهرة السينمائي دورته ال 44، الأحد الماضي، على المسرح الكبير بدار الأوبرا المصرية، وتستمر حتى 22 من الشهر الجاري.