«شهر رمضان بتاع الفقراء».. تصريحات ميار الببلاوي تثير الجدل على السوشيال ميديا

أثارت ميار الببلاوي الجدل بعد تصريحاتها عن المشاهد الجريئة في فيلم «ديسكو ديسكو»، التي جمعتها بالفنان عمرو عبدالجليل، حيث أشارت إلى نصيحة الفنانة نجلاء فتحي لها في كواليس الفيلم لإقناعها بتجسيد مشهد جرئ في رمضان.
تصريحات ميار الببلاوي وشهر رمضان
ميار الببلاوي والمشاهد الجريئة
وقالت الفنانة ميار الببلاوي، خلال لقائها في برنامج «قعدة ستات» المذاع على فضائية «القاهرة اليوم»: «الفيلم كله معظمه اتصور في رمضان، وأنا عندي عقدة من التصوير في رمضان، رغم أني كنت شابة ولسه بلبس وكده«
وتابعت ميار الببلاوي: «ولكن مشهدي الجرئ مع عمرو عبدالجليل كان في رمضان، وكنت رافضة أصوره لدرجة دخلت الحمام وفضلوا يخبطوا عليا، كنت مستنيه بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت».
وعن مشهد المايوة أوضحت ميار الببلاوي: «مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي امشي البسي المايوه التاني».
وأضافت الببلاوي، «كنت صغيرة وقت التصوير، حيث كان يبلغ عمري 17 عامًا، وذات مرة رفضت تصوير مشهد بالمايوه لأننا كنا في شهر رمضان».
ميار الببلاوي عن نجلاء فتحي
ميار الببلاوي وشهر رمضان
وأشارت ميار الببلاوي إلى أن الفنانة نجلاء فتحي حاولت إقناعها قائلة :«رمضان علشان الناس الفقراء، والناس الأغنياء بيعملوا نفسهم بياكلوا قدام الفقراء، رمضان بتاع الفقراء أحنا عندنا أكل نصوم ليه».
وتابعت: «نجلاء كانت عاوزة تقنعني أني أعمل المشهد وأن الموضوع مش محتاج أعطلهم يعني مفيش حاجة أسمها رمضان والكلام ده».
اعتزال ميار الببلاوي
الفنانة ميار الببلاوي
وابتعدت ميار الببلاوى عن الساحة الفنية وارتدت الحجاب وذلك خلال تصويرها مسلسل «عائلة شمس»، كما قدمت ميار الببلاوي بعض المسلسلات الدينية بالحجاب ثم اعتزلت وبدأت تتجه نحو البرامج.